پاۆلودار مەن شىمكەنتتەگى نازاربايەۆ زياتكەرلىك مەكتەپتەرىنىڭ وقۋشىلارى شىعىس قازاقستانعا كەلدى. ونداعى ماقسات – «تۋعان ەلگە تاعزىم» جوباسى اياسىندا ولكەتانۋ-زەرتتەۋ جۇمىستارىنا قاتىستى دەپ حابارلايدى .  

ەكسپەديسيانىڭ تاقىرىبى – «رۋحاني جاڭعىرۋ – تۋعان جەر تۇتاستىعى مەن ەل بولاشاعى» دەپ اتالادى. زياتكەرلىك مەكتەپتىڭ وقۋشىلارى شىعىستىڭ تاماشا تابيعاتىن كوزبەن كورىپ، كيەلى جەرلەرىمەن تانىسىپ، مۋزەيلەردى، ءىرى-ىرى ونەركاسىپ ورىندارىن ارالاۋعا مۇمكىندىك الدى. اتاپ ايتقاندا، وسكەمەندە ولار «كازسينك»، «ازيا اۆتو»، «تەڭگە سارايى» سەكىلدى كاسىپورىندار مەن سول جاعالاۋدا ورنالاسقان ەتنوگرافيالىق مۋزەيدە بولدى. سونىمەن قاتار ۇلان اۋدانىنداعى اقباۋىر تاريحي-ارحەولوگيالىق كەشەنىنە بارىپ، كونە پالەوليت داۋىرىندەگى تاسقا قاشالعان سۋرەتتەردى، ەجەلگى ساق قونىسىنىڭ قازبا جۇمىستارىن كوردى.  

– بولاشاق ينجەنەر-ونەرتاپقىش رەتىندە ماعان كولىك قۇراستىرۋ زاۋىتىنا ساياحات جاساۋ وتە ۇنادى. باعدارلامادان «ازيا اۆتو» كاسىپورنىن كورگەن كەزدە ەرەكشە قۋاندىم، ويتكەنى ول زاۋىتتى كوزبەن كورۋ مەنىڭ ارمانىم ەدى. سول ارمانىم ورىندالدى، – دەيدى شىمكەنتتەن ەلگەن نازاربايەۆ زياتكەرلىك مەكتەبىنىڭ 10-سىنىپ وقۋشىسى باينازار سەيتەك. 

سونداي-اق ەكسپەديسيا وكىلدەرى سەمەي قالاسىنداعى تاريحي ورىندار مەن مۋزەيلەردى ارالاپ، جيدەبايداعى ابايدىڭ مۋزەي ءۇيىن، «اباي-شاكارىم» مەموريالدىق كەشەنىن، ريددەردەگى باتىس التاي مەملەكەتتىك تابيعي قورىعىن، التاي بوتانيكالىق باعىن جانە باسقا دا ورىنداردا بولىپ، زەرتتەۋ جۇمىستارىن جۇرگىزدى. بۇل ساپار اياسىنداعى زەرتتەۋلەر مەن جازبالارىن وقۋشىلار Wikipedia سايتىنا جاريالاپ، رەسپۋبليكالىق دەڭگەيدە قورعايتىن بولادى.