بۇگىن تۇندە سيرەك استرونوميالىق قۇبىلىس - كۇننىڭ تۇتىلۋى بولادى دەپ حابارلايدى Qamshy.kz اقپارات اگەنتتىگى. 

وكىنىشكە قاراي، قازاقستاندىقتار كۇننىڭ تۇتىلۋىن تاماشالاي المايدى، ءبىراق ونلاين-ترانسلياسيا ارقىلى كورۋ مۇمكىندىكتەرى  بار.

كۇن تۇتىلۋ 4،5 مينۋتقا سوزىلادى. تولىق فازانىڭ ۇزاقتىعى – 33 سەكۋند. كۇن تۇتىلۋدىڭ ەڭ جاقسى كورىنەتىن كەزەڭى ماسكەۋ ۋاقىتى بويىنشا ساعات 22:23-تە. ال قازاقستاندا 3 شىلدە تۇنگى 01:24-تە كۇن تولىعىمەن تۇتىلادى. ايتا كەتسەك، بۇل سيرەك كەزدەسەتىن قۇبىلىس. 

قۇبىلىستى چيلي مەن ارگەنتينا ەلدەرىنىڭ تۇرعىندارى عانا تاماشالاي الادى ەكەن. تىنىق مۇحيتى جاقتا باستالاتىن تۇتىلۋ چيلي مەن ارگەنتينا تۇرعىندارىنا بايقالادى. ەكۆادور، برازيليا، ۋرۋگۆاي جانە پاراگۆايدا، سانداي-اق، تىنىق مۇحيتىنىڭ كەيبىر ارالىندا جارتىلاي كورىنەدى.

البەتتە كۇننىڭ تۇتىلۋى كەيبىر ادامداردىڭ پسيحولوگيالىق جاعدايىنا اسەر ەتپەي قويمايدى. بۇل كۇنى باسىڭىز اۋىرىپ، مازاڭىز قاشۋى مۇمكىن. ادامداردىڭ بويىن ۇرەي بيلەيدى، كۇمانشىل بولىپ، تىنىشسىزدانا باستايدى. تەز اشۋلانعىش، اينالاسىنداعىلارعا وكپەلەگىش كەلەدى. 

ءدال وسىنداي استرونوميالىق قۇبىلىس كەزىندە ادامدار اراسىندا وز-وزىنە قول جۇمساۋ وقيعالارى ارتاتىنى انىقتالعان.