يتالياداعى وپپوزيسيونەر ەندىگى كەزەكتە ءومىرزاق شوكەيەۆ پەن باسقا دا اكىمدەردى سىنعا الىپ، Youtube ارناسىنا ۆيدەو جۇكتەدى دەپ حابارلايدى Qamshy.kz اقپارات اگەنتتىگى.
تۇرعىمباي ەرجان ءوز ۆيدەوسىن ارىستاعى جاعدايدان باستادى. سول تۋرالى ءسوز قوزعادى دا:
"كىرگەن كەزدە "وستوروجنو" كىر دەيسىڭ ءومىرزاق. مەنىڭ تاڭىم بار ساعان. سەن ءوزىڭ سول شىمكەنتتىكىسىڭ قاتەلەسپەسەم. ءوز جەرلەستەرىڭ عوي، سول جاندارعا نەگە كومەك بەرمەيسىڭ؟ سەنىڭ جانە سەنىڭ قاسىڭدا تالتايىپ جۇرگەن نۇرلان ەرمەكبايەۆتىڭ ىستەرىڭ دۇرىس ەمەس. مەن سايلاۋعا دەيىن ايتقانمىن، قوسانوۆ الدايدى دەپ. ءقازىر سەندەر الداپ جاتىرسىڭدار حالىقتى. بارىنە ارىسقا ءجۇر دەيسىڭ. كىر دەيسىڭ، قورىقپا دەيسىڭ، 100 پايىز تازا ءبارى دەيسىڭدەر. دالادا شاشىلىپ جاتىر ەكەن سناريادتار. قۇداي ساقتاسىن بالالار ويناپ جۇرگەن كەزدە جارىلسا نە بولادى. سەندەر نەگە قۇنىعىپ جاتىرسىڭدار. ەركەكسىڭدەر عوي. ەركەك شىعارسىڭدار ەندى. كىشكەنە بولسا دا نامىس بولۋ كەرەك قوي. پەندەمىز عوي ءبارىمىز، تۇسىنەمىن. ەرتەڭ بىردەڭە بولسا كىنالى سەندەر بولاسىڭدار. قازاقتا جاقسى ءسوز بار "قىزىم ساعان ايتامىن، كەلىنىم سەن تىڭدا" دەگەن. ساعان جانە باسقا دا اكىمدەرگە ايتارىم. قازىرگى ۋاقىتتا قىتايلار باسىپ العىسى كەلەدى ءبىزدى. بارلىق بيلىك ساتىلعان. ەلىمىز ۇلكەن قاۋىپتە تۇر. ەڭ باستى ءقاۋىپ ەگەمەندىگىمىزدەن ايىرىلىپ قالۋىمىز مۇمكىن. سەن ارىستىقتارمەن بىرگە تۇرامىن دەپ وتىرىك ايتپا. ساعان سەنۋ ءۇشىن وتباسىڭدى الىپ كەل ارىسقا. سوندا ءبارى سەنەدى. كەش بولماي تۇرعان كەزدە ارەكەت قىلىڭدار. حالىقتى ارىستان شىعارىپ، تولىق تازالاپ سوسىن كوشىرىڭدەر حالىقتى"،- دەدى.
شەتەلدە وتىرىپ، ەلدىڭ ساياساتىن تۇزەگىسى كەلەتىن ەرجان مىرزا وسىعان دەيىن دە ارىس جايلى ۆيدەولار جۇكتەگەن.
ەسكەرتۋ: ۆيدەودا ارتىق سوزدەر بار!
پىكىر قالدىرۋ