ارىستاعى جارىلىستان قيراعان ۇيلەردى قالپىنا كەلتىرۋ ءۇشىن شامامەن 20 ميلليارد تەڭگە كەرەك. بۇل تۋرالى 2 شىلدەدە نۇر-سۇلتاندا وتكەن بريفينگىدە توتەنشە جاعداي كوميتەتىنىڭ جەتەكشىسى ۆلاديمير بەككەر ايتتى دەپ جازادى Qamshy.kz اقپارات اگەنتتىگى. 

بەككەردىڭ ايتۋىنشا، ارىستا 70 ءۇي قيراپ قالعان. 

"ارىستا شامامەن 70 ءۇي تولىعىمەن قيراپ قالعان. بۇل سان ءالى ءوسۋى مۇمكىن"،- دەدى بەككەر. 

كومميتەت جەتەكشىسى "ارىستا جارىلىس بولعان كەزدە ءتۇرلى زاتتار ساقتالعان 460 سەستەرنا بولعانىن" ايتتى.

“تەمىر جولدا  ءتۇرلى زاتتار ساقتالعان 460 سەستەرنا بولعان. ولاردىڭ جارىلماۋى ادام تاڭعالارلىق جاعداي. جاعداي بۇدان دا اۋىر بولار ەدى. بۇگىندە ارىس پەن قالا ماڭىنان ساپەرلەر 12 مىڭنان استام جارىلعىش زات تاپتى”، – دەدى ۆلاديمير بەككەر.