اكەسى ارماتۋرامەن ۇرىپ، دەنەسىنىڭ ساۋ تامتىعى قالماعان 8 جاستاعى بالا اۋرۋحاناعا ءتۇستى. قاتىگەز اكەدەن قاشقان بالاعا كوشەدەگى جاندار كومەك بەرگەن. كوپ ۇزاماي الەۋمەتتىك جەلىگە تاراعان ۆيدەودان ءوز ۇلىن تانىعان شەشە دە اۋرۋحاناعا جەتتى. الايدا شەشەسى سوققىعا جىعىلعان ءوز ۇلىن كىنالاپ وتىر دەپ جازادى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ دەرەگىن نەگىزگە الىپ.
ءبۇتىن ەڭبەكشىقازاق اۋدانىنىڭ ماماندارىن اياعىنان تىك تۇرعىزعان بۇل ءبۇلدىرشىن ۇيىنەن 30 ماۋسىمدا قاشىپ كەتكەن. جولدان تاكسي ۇستاپ، جۇرتتان مەنى قۇتقارىڭدار دەپ جالبارىنعانعا ۇقسايدى. دەنەسىندەگى تەمىر ىزدەرىنەن ادام شوشيدى. "اكەمنەن تاياق جەدىم، ەكى كۇننىڭ بىرىندە انامدى دا سوققىنىڭ استىندا الادى. ول شىداماي ۇيدەن كەتتى" دەپتى. تاۋىپ العان كىسىلەر بىردەن پوليسەيلەرگە حابارلاپ، اۋرۋحاناعا جەتكىزگەن.
«جاڭاعىداي دەنە جاراقاتى دەيدى. دەنەسىندە عانا ءىز بار. ارقاسىندا، جامباسىندا، اياعىندا، قولىندا، اياعىنىڭ تومەنگى جاعىندا، جامباسىندا بار، - دەيدى ەسىك وبلىستىق ورتالىق اۋرۋحاناسى، بالالار ءبولىمىنىڭ مەڭگەرۋشىسى ۆەنەرا رايسوۆا. .
ءبىر كۇن ۇيىنە كەلمەگەن سەگىز جاسار بالانىڭ شەشەسى ۇلىنىڭ اۋرۋحانادا جاتقانىن تەك الەۋمەتتىك جەلى ارقىلى بىلگەن. الايدا، بىزبەن تىلدەسۋگە قارسىلىق تانىتتى. وتباسىلىق كيكىلجىڭگە ەشكىمدى ارالاستىرعىسى جوق. ءبىراق دارىگەرلەرگە "تاياق جەگەن ۇلىمنىڭ ءوزى كىنالى" دەگەن. وزدەرى ەسىكتەگى ساياجايدا تۇرعانىمەن، بالا قالاداعى مەكتەپتەردىڭ ءبىرىنىڭ وقۋشىسى ەكەن. ونداعى ديرەكتور دا جاۋاپتان قاشتى. ول مەكتەپ وقۋشىسى تۋرالى ەشقانداي اقپارات بەرمەيتىنىن ايتتى.
ال، مەدەۋ اۋداندىق ءبىلىم بولىمىندەگىلەر، وتباسىن تەك جاقسى قىرىنان تانىپ وتىر.
«مەكتەپكە تاپ-تۇيناقتاي بوپ كەلەتىن. ساباق ۇلگەرىمى دە وتە جاقسى. كلاسس جەتەكشىسىنىڭ نەمەسە مەكتەپ اكىمشىلىگىنىڭ تاراپىنان ءدال وسى وتباسىنا ەشقانداي شاعىمدار تۇسپەگەن، - دەدى مەدەۋ اۋدانىنىڭ ءبىلىم ءبولىمىنىڭ باس مامانى ايتكۇل كەمەلوۆا.
ءقازىر بۇل ءىس بويىنشا پوليسيا قىزمەتكەرلەرى قىلمىستىق ءىس قوزعاعان.
–قازىرگى ۋاقىتتا بۇل دەرەكككە قاتىستى ق ر قىلمىستىق كودەكسىنىڭ 140-بابىنا سايكەسع تەرگەۋ امالدارى جۇرگىزىلىپ وتىر. ايتا كەتۋ كەرەك، بالاعا دەنە جاراقاتىن سالدى دەگەن كۇدىككە تۋعان اكەسى ءىلىندى»، - دەپ پىكىر ءبىلدىردى الماتى وبلىستىق پوليسيا دەپارتامەنتىنىڭ رەسمي وكىلى سەرىك ۇپييەۆ. .
ءقازىر جەتكىنشەكپەن پسيحولوگتار جۇمىس ىستەپ جاتىر. بالا قاتتى قورقىپ قالعانىن ايتتى. ال، ءبىلىم بولىمىندەگىلەر "اكەسىن اكەلىك قۇقىقتان ايىرعانىمىزبەن، بالا اناسىنىڭ قاسىندا قالا بەرەدى" دەيدى. ءبىراق، وتباسىلىق كيكىلجىڭگە تەڭەپ، 8 جاستاعى بالانىڭ قۇقىعىن شەشەسى قانشالىقتى قورعاپ وتىرعانىن دا پوليسەيلەر تەكسەرەتىن بولادى.
پىكىر قالدىرۋ