الماتى اكىمى باقىتجان ساعىنتايەۆ قالالىق پوليسيا دەپارتامەنتىنىڭ باسشىلىعىمەن جانە قوعامدىق كەڭەس مۇشەلەرىمەن كەزدەستى دەپ حابارلايدى Qamshy.kz اقپارات اگەنتتىگى.
ول تۋرالى قالا اكىمى Facebook جانە Twitter الەۋمەتتىك جەلىلەرىندەگى پاراقشالارىندا جاريالادى.
"ىشكى ىستەر دەپارتامەنتى جانە قوعامدىق كەڭەسپەن جيىن وتكىزدىم. قىلمىسقا، كريمينالعا، ەسىرتكىگە قارسى كۇرەسۋدىڭ، پپق پەن ۋچاسكەلىك پۋنكتتەردىڭ جۇمىسىن جاڭارتۋدىڭ جولدارىن بەلگىلەدىك. الماتى تۇرعىندار مەن قوناقتار ءۇشىن ءقاۋىپسىز قالا بولۋى ءتيىس. بۇل پد جۇمىسىنا بەرىلگەن باعا"، - دەپ جازدى Twitter-دە.
"ءىستىڭ جاعدايىن، كەلەڭسىز جايتتاردى جانە مەگاپوليستە قاۋىپسىزدىك پەن قۇقىقتىق ءتارتىپتى كۇشەيتۋدىڭ الداعى شارالارىن تالقىلادىق. ۇرلىققا، بۇزاقىلىققا، توناۋعا جانە ناشاقورلىققا قارسى كۇرەستى بارىنشا كۇشەيتۋ قاجەت. مۇندا پاترۋلدىك پوليسيانىڭ جۇمىسىن قايتا قاراپ، ۆيدەوباقىلاۋ جەلىسىن كەڭەيتكەن ءجون. پوليسيا دەپارتامەنتىنە ۋچاسكەلىك پۋنكتتەرگە تەكسەرۋ جۇرگىزۋدى، مودەرنيزاسيا بويىنشا ۇسىنىس بەرۋدى تاپسىردىم"، - دەدى باقىتجان ساعىنتايەۆ.
ساعىنتايەۆ پوليسيا جۇمىسىنىڭ باستى كورسەتكىشى حالىقتىڭ سەنىمى بولۋى ءتيىس ەكەنىن ەسكەرتتى جانە بارلىق ماسەلەلەر ءوزىنىڭ جەكە باقىلاۋىندا بولاتىنىن ايتتى.
@dvd_galmaty جانە قوعامدىق كەڭەسپەن جيىن وتكىزدىم. قىلمىسقا، كريمينالعا، ەسىرتكىگە قارسى كۇرەسۋدىڭ، پپق پەن ۋچاسكەلىك پۋنكتتەردىڭ جۇمىسىن جاڭارتۋدىڭ جولدارىن بەلگىلەدىك. الماتى تۇرعىندار مەن قوناقتار ءۇشىن ءقاۋىپسىز قالا بولۋى ءتيىس. بۇل پد جۇمىسىنا بەرىلگەن باعا. pic.twitter.com/4zs2L0qikv
— باكىتجان ساگينتايەۆ (@sagintayev_b) 4 يۋليا 2019 گ.
پىكىر قالدىرۋ