ەڭبەك جانە الەۋمەتتىك قورعاۋ مينيسترلىگى 7 ملن تەڭگەگە كەڭسە جيھازدارىن ساتىپ الدى دەگەن اقپاراتقا قاتىستى تۇسىنىكتەمە بەردى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاساي وتىرىپ.
مەملەكەتتىك ساتىپ الۋلار سايتىندا تاۋار جەتكىزۋشىلەر 30 كۇننىڭ ىشىندە ەڭبەك مينيسترلىگىنە كەڭسەگە ارنالعان جيھازدىڭ 10 كومپلەكتىسىن جەتكىزۋ كەرەك دەگەن اقپاراتتان شي شىقتى. ويتكەنى وسى ماقساتقا بيۋدجەتتەن باقانداي 7 ملن تەڭگە بولىنگەن. بۇل سوما ەلدىڭ تۇسىنبەۋشىلىگىن تۋعىزىپ، اقىرى قۇزىرلى مەكەمەنىڭ باسپا ءسوز حاتشىسى قانات قۇلشىمانوۆ وعان جاۋاپ بەرۋگە ءماجبۇر بولدى. ول Facebook-تەگى پاراقشاسىندا ءبىرقاتار دالەل كەلتىرىپ، ايعاق سۋرەتتەر جاريالادى.
"بۇگىن ءبىراقاتار ب ا ق بەتتەرىندە ەڭبەك مينيسترلىگى ساتىپ العان كەڭسە جيھازىنا قاتىستى مالىمەتتەر جاريالاندى. وسى ماسەلەنىڭ باسىن اشا كەتسەم دەيمىن. ءبىزدىڭ مينيسترلىكتەگى جيھازداردىڭ جاڭالانباعانىنا 10 جىل بولعان. سوڭعى رەت 2008 جىلى ساتىپ الىندى عوي دەيمىن. بۇگىندەرى كەڭسەدەگى جيھازداردىڭ 80 پايىزى ەسكىرىپ، توزىعى جەتكەن.
قىزمەتكەرلەرىمىزدىڭ ەڭبەك جاعدايىن جاقسارتۋ ماقساتىندا بيىل كەڭسە جيھازىنىڭ 10 كومپلەكتىسىن الىپ جاتىرمىز. وعان جۇمىس كرەسلوسى، ۇستەلدەر، قۇجات پەن كيىم ىلۋگە ارنالعان شكافتار، سىرمالار جانە تاعىسىن تاعى. بارلىعى - 80 زات. مىنە، وسىنىڭ ءبارىنىڭ جالپى قۇنى 7 ملن 142 مىڭ تەڭگە بولدى.
سودان كەيىن، باسا ايتا كەتەر جايت، مەملەكەكتتىك ساتىپ الۋلاردىڭ ەرەجەسى بويىنشا تاۋاردىڭ ەڭ تومەنگى باعاسىن ۇسىنعان تاۋار جەتكىزۋشى تاڭدالىپ الىنادى بۇل ارادا.
جيھاز 10-15 جىلعا دەپ الىنادى. سوندىقتان ول ساپالى ءارى ءقاۋىپسىز بولۋى ءتيىس. سونىڭ وزىندە ەشكىم شەتەلدىڭ قىمبات جيھازىن الىپ جاتقان جوق. وتاندىق تاۋارلار ونىڭ ءبارى"،- دەپ جازدى ول.
ودان كەيىن ءوز ءسوزىنىڭ دالەلى رەتىندە مىنا سۋرەتتەردى جەلىدە جاريالادى.
پىكىر قالدىرۋ