قورعانىس ءمينيسترى ارىستاعى جارىلىستى تابيعي قۇبىلىس دەگەن جوق دەپ جازادى Qamshy.kz اقپارات اگەنتتىگى. بۇل تۋرالى ءمينيستردىڭ باسپا ءسوز حاتشىسى دانيار ءالجانوۆ مالىمدەدى. ول نۇرلان ەرمەكبايەۆتىڭ "تابيعي نارسە" دەپ ايتقانىن لينگۆيستيكالىق تۇرعىدان ءتۇسىندىردى. 

"مينيستر: "... بۇل تابيعي نارسە، ءاربىر ارسەنالدىڭ قاۋىپتەرى بار..." — دەپ ايتقان ۆيدەوعا قاتىستى سۇراقتار قويىلىپ جاتىر. ونىڭ ءسوزى "ارسەنالدىڭ جارىلۋ سەبەبى – تابيعي قۇبىلىس" دەپ قاتە اۋدارىلىپ كەتكەن. نەگىزى دۇرىس اۋدارماسى "تابيعي نارسە"، "قالىپتى جاعداي" دەگەن ماعىنانى بىلدىرەدى، سوندا ءمينيستردىڭ نە ايتقىسى كەلگەنىن تۇسىنەمىز. قۇرمەتتى ارىپتەستەر، اسكەري قىزمەت پەن ارسەنالدان كەلەتىن بەلگىلى ءبىر قاۋىپ-قاتەر بار. بۇل قالىپتى جايت. سونداي-اق تەرگەۋ اياقتالمايىنشا، ەشكىم الدىن الا قورىتىندا جاسامايتىنى بەلگىلى. ءبىز قازا تاپقان ءۇش ادامنىڭ وتباسىنا تاعى دا كوڭىل ايتامىز. بولعان جايتقا قاتتى وكىنەمىز جانە ارسەنال جارىلىسى سالدارىنان زارداپ شەككەندەردىڭ بارىنە جانىمىز اشيدى"، - دەپ جازدى دانيار ءالجانوۆ ءوزىنىڭ فەيسبۋك پاراقشاسىنا.