مەكسيكاداعى كۋاتەموك قالاسىنىڭ مەرى ەرەكشە ەكسپەريمەنت جاسادى دەپ جازادى Qamshy.kz اقپارات اگەنتتىگى Milenio تەلەارناسىنىڭ دەرەگىن نەگىزگە الىپ. ول قالالىق مەكەمەلەردىڭ قىزمەتكەرلەرى شىن مانىندە قالاي جۇمىس ىستەيتىنىن تەكسەرمەك بولادى. سودان ناشار كيىنىپ، گريمم جاساپ، مۇگەدەكتەرگە ارنالعان ارباعا وتىرىپ قالا ارالايدى. ناتيجەسى كۋاتەموك قالاسىنىڭ مەرى كارلوس تەندى قۋانتا قويمادى. 

ونى بارلىق قىزمەتكەرلەر ەلەمەي، قىزمەت كورسەتكىسى كەلمەگەن. نەگىزىنەن قالا مەرى بۇل ەكسپەريمەنتتى 2 اي بويى جاسايتىن بولامىن دەپ جوسپارلاعان.  بۇل ەكسپەريمەنتتى جاساۋعا حالىق پەن جانىنداعى قىزمەتكەرلەردىڭ ايتقانى سايكەس كەلمەۋى ىسەر ەتىپتى. 

"مەن كىمگە سەنەرىمدى بىلمەدىم. حالىققا ما الدە جانىمداعى قىزمەتكەرلەرگە مە؟"، - دەپ ءتۇسىندىردى قالا مەرى. 

ەى ءبىرىنشى قالا مەرى الەۋمەتتىك دامۋ باسقارماسىنا ازىق-تۇلىك الۋعا جاردەمدەسۋ جونىندە رەسمي تۇردە ءوتىنىش تولتىرۋعا بارعان. ءبىراق باسقارماداعى قىزمەتكەرلەر كومەك سۇراپ كەلگەن مۇگەدەكتى ەلەمەگەن، ءتىپتى ءوتىنىش تولتىرۋعا كومەكتەسپەگەن. 

سودان سوڭ ول قالا اكىمدىگىندەگى ءوزى باسقاراتىن اكىمشىلىك بولىمىنە بارعان. قابىلداۋ ءبولىمىنىڭ ەسىگىن كۇزەتكەن ادام كوپ. ول ءبىراز ۋاقىت قالاعان جەرگە كىرە المادى. سەبەبى قىزمەتكەرلەر مۇگەدەكتەرگە ارنالعان ءليفتىڭ كىلتىن تابا الماعان. ەكسپرەيمەنت كەزىندە قالا مەرى قورلىق پەن كەمسىتۋدى كورگەنىن جاسىرمادى. 

"مەن سول كەزدە قاتتى اشۋلاندىم. مەملەكەتتىك قىزمەتكەرلەر جالاقى الىپ وتىر. ءبىراق حالىققا كومەك كورسەتپەيدى. كەيىن جينالىس كەزىندە بولعان جايتتىڭ ءبىرىن قالدىرماي ايتىپ بەردىم. مۇنداي باسسىزدىققا شىداي المايتىنىمدى دا ەسكەرتتىم"، - دەيدى قالا مەرى كارلوس تەن.