تۇركيانىڭ بۇرىنعى يمامى احمەت مۋحسين تيۋزەر ەۋروپانىڭ ادام قۇقىعى جونىندەگى سوتىنا شاعىمدانۋدى جوسپارلاپ وتىر. انتاليا قالاسىنىڭ اكىمشىلىك سوتىندا يمامنىڭ جۇمىسىنا قايتا كىرىسۋىنە رۇقسات بەرمەگەن، دەپ حابارلايدى Sputnik قازاقستان سايتىنا سىلتەمە جاساپ.
احمەت تيۋزەردى انتاليا پروۆينسياسىنداعى كاش قالاسى مەشىتىنىڭ يمامى قىزمەتىنەن بوساتقان بولاتىن. ول مەملەكەتتىك قىزمەتكە جارامسىز دەپ تانىلعان.
بۇرىنعى يمام بولسا، ءوزىن FiRock روك-توبىن قۇرعانى ءۇشىن جۇمىستان شىعاردى دەپ ەسەپتەيدى.
"انتاليانىڭ اكىمشىلىك سوتىنىڭ جۇمىسىما قايتا كىرىسۋىمە رۇقسات بەرمەۋى مەنى قاتتى قىنجىلتتى. الداعى ۋاقىتتا ادام قۇقىعى جونىندەگى ەۋروپالىق سوتقا شاعىمدانۋدى جوسپارلاپ وتىرمىن"، -دەدى ول.
تيۋزەر بۇل ءىستى جەڭەتىنىنە سەنىمدى. ول مۋزىكانىڭ ارقاسىندا جاستاردىڭ جۇرەگىنە جول تاپقانىن ايتادى.
پىكىر قالدىرۋ