- بۇگىن مۇنايلى اۋدانىنىڭ سپورت ومىرىندە ايرىقشا كۇن. ويتكەنى اۋداننان العاش رەت وسىنداي ءزاۋلىم كەشەن اشىلۋدا. الداعى ۋاقىتتا وسى سپورت الاڭىندا جاتتىققان جاسوسپىرىمدەر اراسىنان بولاشاق چەمپيوندار شىعاتىنىنا سەنىمدىمىن. ءبىز دارىندى بالالاردىڭ كاسىبي سپورتپەن اينالىسىپ، ويداعىداي دايىندىقتاردان ءوتۋى ءۇشىن قولدان كەلگەننىڭ ءبارىن جاسايمىز. جەڭىس جولىنداعى جالىندى جىگەرلەرىڭىزگە جارقىن جەتىستىك تىلەي وتىرىپ، بارلىق جارىستار مەن سايىستاردا ابىروي بيىگىنەن كورىنىڭىزدەر، - دەپ ايماق باسشىسى ءوزىنىڭ جىلى لەبىزىن ءبىلدىردى.
مۇنايلى اۋدانىنىڭ ماڭعىستاۋ اۋىلىندا بوي كوتەرگەن سپورت كەشەنى "نورت كاسپيان وپەرەيتينگ كومپاني" مەكەمەسىنىڭ قولداۋىمەن سالىنعان. جوبانىڭ جالپى قۇنى 466،187 ملن. تەڭگەنى قۇرايدى. 160 كورەرمەنگە شاقتالعان سپورت كەشەنىنىڭ قۇرىلىس جۇمىستارى 2018 جىلدىڭ مامىر ايىندا باستالىپ، اعىمداعى جىلدىڭ ماۋسىم ايىندا تولىق اياقتالعان.
پىكىر قالدىرۋ