ايماق باسشىسى الدىمەن جاڭاوزەننىڭ الەۋمەتتىك-ەكونوميكالىق دامۋىنىڭ 2019-2025 جىلدارعا ارنالعان كەشەندى جوسپارى تۋرالى بايانداعان قالا اكىمىنىڭ ەسەبىن تىڭداپ، كەيىن جاڭادان سالىنىپ جاتقان "تەڭگە ويل گاز" جانە "وردا" قانت زاۋىتىنىڭ قۇرىلىس جۇمىستارىمەن تانىستى. مۇنايشىلار شاھارىنىڭ باسشىسى ادىلبەك قۇلىنتاي ۇلى وزەكتەندىرىلگەن كەشەندى جوسپار اياسىندا جارتى جىلعا بەلگىلەنگەن شارالاردىڭ قازىرگى تاڭدا 100%-عا ورىندالعانىن جەتكىزدى.
- الداعى ۋاقىتتا تەز ارادا شەشىلۋى ءتيىس شارالاردىڭ قاتارىندا - جاڭاوزەن حالقىن تولىقتاي اۋىز سۋمەن قامتۋ، جولاۋشىلار تاسىمالى جانە "وزەنجىلۋ" مكك كرەديتورلىق بەرەشەكتەرى ماسەلەلەرى تۇر، - دەيدى جاڭاوزەن قالاسىنىڭ اكىمى.
جيىننان سوڭ، وبلىس اكىمى سەرىكباي ترۇموۆ ماڭعىستاۋدا تۇڭعىش رەت سالىنىپ جاتقان "وردا" قانت ءوندىرۋ زاۋىتىنا باردى.
- قازىرگى تاڭدا قۇرىلىستىڭ 90%-ى اياقتالدى. بۇيىرسا 1 ايدان كەيىن زاۋىتتى ىسكە قوسامىز دەپ جوسپارلاپ وتىرمىز. شيكىزاتتى رەسەيدەن اكەلەمىز. زاۋىت 24 ساعات ءۇزىلىسسىز، ال قىزمەتكەرلەر 3 اۋىسىمدا جۇمىس جاسايتىن بولادى. قازىرگى جوسپارىمىز بويىنشا تاۋلىگىنە 10 توننا، ايىنا 300 توننا ءونىم وندىرمەكپىز، - دەيدى "وردا" ج ش س باسشىسى ەربولات سۇلەيمەنوۆ.
سونىمەن قاتار، ءوڭىر باسشىسى جاڭاوزەنگە ساپارى بارىسىندا ورتالىق مۇناي تاپسىرۋ پۋنكتى "تەڭگە ويل گاز" جشس-نا بارىپ، قۇرىلىسىنىڭ العاشقى كەزەڭى اياقتالعان زاۋىت جۇمىسىمەن تانىستى.
پىكىر قالدىرۋ