نۇر-سۇلتان قالاسىندا وتكەن 15-حالىقارالىق «ەۆرازيا» كينوفەستيۆالىنىڭ اشىلۋىنا كەلگەن شەتەلدىكتەر ەلوردا مەن الماتى وبلىستارىندا بولىپ، بۇگىندە ات باسىن ماڭعىستاۋعا تىرەگەن. وزدەرىڭىز بىلەتىندەي، 2019 جىلدىڭ 3-قاڭتارىندا كينو تۋرالى زاڭ ەنگىزىلىپ، وندا شەتەلدىك پروديۋسەرلەردىڭ  ەلىمىزدە تۇسىرەتىن فيلمدەرىنە بارىنشا قولداۋ كورسەتىلەتىندىگى جازىلعان. وسى ماقساتتا ەلىمىزدىڭ تابيعاتى، تاريحي ەسكەرتكىشتەر جانە ۇلتتىق بولمىسىمىزبەن تانىسۋعا وڭىرىمىزگە  اقش، جاڭا زەلانديا، سلوۆەنيادان Discovery، NBC Universal، Global Film Solutءىons، Lionsgate، Warner Horison  سىندى ءىرى گولليۆۋدتىق كينوكومپانيا وكىلدەرى كەلدى. ەكى كۇنگە كەلگەن ساپار اياسىندا ولار شەرقالا تاۋىن، جەراستى مەشىتتەرىن ارالاپ، شار تارىزدەس الىپ تاستاردىڭ تاريحىمەن تانىستى. سونداي-اق، جارتاستاعى سوقپاق جولدارمەن  ءجۇرىپ ءوتىپ،  جەلكەندى قايىقپەن سەرۋەندەدى.

«نۇر-سۇلتاننان باستاۋ العان ساپارىمىز قىزىقتى ساتتەرگە تولى بولدى. كوپ تاجىريبە جينادىق. ەرەكشە شابىت الدىم، تابيعات قانداي ەرەكشە.  بارلىق ءجۇرىپ وتكەن جەرلەرىمىزدى بەينەتاسپاعا ءتۇسىرىپ كەلەمىز.ۆيدەو – روليك جاساپ،ءوز ەلىمىزگە بارعاندا كورسەتكىمىز كەلەدى. قانداي باعىتتا كينو تۇسىرەتىنىمىزدى الداعى ۋاقىتتا جوسپارلايمىز» - دەدى Discovery ارناسىنىڭ ۆيسە-پرەزيدەنتى دجوردجينا سۋرتيس.

جەتىسۋ ءوڭىرى مەن ماڭعاز ماڭعىستاۋدىڭ تاماشا تابيعاتى شەتەلدىك كينوكومپانيا وقىلدەرىن ەرەكشە تاڭعالدىرعان. ءبىرىنشى ساپارلارى بولسا دا، شارشاعاندارىنا قاراماستان ەرەكشە اسەر قالدىردى دەپ وي قورىتتى.