100 ناقتى قادام:  بولاشاقتا تۋريزم قازاقستاننىڭ دامۋىنا ايرىقشا سەرپىن بەرەدى الەم ەلدى تانۋ ءۇشىن تۋريستەر كوپ كەلۋى كەرەك. ويتكەنى تۋريزم سالاسىندا تابىس مول. قازاقستاندا دا قازىرگى ۋاقىتتا وسى سالاعا بارىنشا نازار اۋدارىلىپ كەلەدى. اقيقاتىن ايتساق، ىشكى تۋريزم قازىرگى ۋاقىتتاعى مەملەكەت جۇرگىزىپ وتىرعان باستى ساياسات. نۇرسۇلتان نازاربايەۆ 100 ناقتى قادام ۇلت جوسپارىندا تۋريستىك كلاستەر قۇرۋ جانە ەلدە اتالعان سالانى دامىتۋ تۋرالى (57 قادام) تاپسىرما بەرگەنى بەلگىلى. وسىعان وراي قازىرگى ۋاقىتتا وسى  باعىتتا باتىل قادام جاسالىنىپ جاتىر. ءقازىر تۋريستەر باراتىن قازاقستانداعى 10 ايماق ماقۇلداندى، ناقتىلاندى جانە بەكىتىلدى. ولارعا قاتىستى ينفراقۇرىلىمدىق جۇمىس تا جاسالىنىپ جاتىر. ول تۋرالى اڭگىمە كەيىنىرەك. مادەنيەت جانە سپورت مينيسترلىگىنىڭ جانىنان «Kazakh Tourism» ۇلتتىق كومپانياسى دا قۇرىلدى.ءقازىر اتالعان كومپانيا تۋريستىك ورتانىڭ ءيميدجىن قالىپتاستىرۋ ءۇشىن قارقىندى جۇمىس جۇرگىزىپ جاتىر. پرەزيدەنتتىڭ ۇلت جوسپارىنان كەيىن جۇمىستار دا جۇيەلىندى. جىل وتكەن سايىن قازاقستانعا كەلۋشى تۋريستەردىڭ دە قاتارى ارتا باستادى. ءبىر عانا مىسال، ديماش قۇدايبەرگەننىڭ لوندوندا، ماسكەۋدە جانە اقش-تاعى حالىقارالىق شوۋعا قاتىسۋىنىڭ ءوزى قازاقستاندى تاعى دا الەمگە تانىتتى. استانادا وتكەن ديماش قۇدايبەرگەننىڭ كونسەرتىنە 60 -تان استام ەلدەن تۋريستەر كەلدى. مىنە مۇنىڭ ءوزى – قازاقستاندى بۇكىل الەمگە تانىتۋ جانە تانىستىرۋ. ويتكەنى قازاق مەملەكەتى ديماش سەكىلدى تالانتتارعا كوپ قولداۋ جاساپ جاتىر. بۇل ەلدەگى ءتۋريزمدى سىرتقى ەلدەرگە تانىتۋدىڭ دا ءبىر ءتاسىلى دەپ اتاۋعا بولادى. جالپى مالىمەتتەرگە نازار اۋدارار بولساق، جىل وتكەن سايىن ەلىمىزگە كەلەتىن تۋريستەردىڭ سانى وسۋدە. ەكسپو كورمەسىنە اعىلعان تۋريستەر ودان كەيىنگى ۋاقىتتا دا  تولاس تاپقان جوق. ءبىر عانا مىسال، 2018 جىلى قازاقستانعا كەلگەن تۋريستەردىڭ سانى شامامەن 8،79 ميلليون ادامدى قۇراعان. بۇل 2017 جىلمەن سالىستىرعاندا 14،1 پايىز ارتىق دەگەن ءسوز. سوڭعى جىلدارى اسىرەسە، بىرىككەن اراب امىرلىكتەرى، ينديا مەن مالايزيادان كەلەتىندەردىڭ شوعىرى ارتتى.  سونداي-اق گونكونگ پەن وڭتۇستىك كورەيا مەن قىتايدان كەلىپ، قازاقستاندى ارالايتىندار دا  كۇرت كوبەيدى. بۇل عانا ەمەس، رەسەيدەن كەلىپ، ەلىمىزدىڭ كورىكتى جەرلەرىن كورەتىن ازاماتتاردىڭ دا سانى  جىل وتكەن سايىن ارتىپ بارادى. اسىرەسە، بۇل قازاقستانمەن شەكارالاس اۋداننىڭ ازاماتتارى ەكەنىن ايتا كەتكەن ءجون. ايتا كەتەر ءبىر جايت، ەلباسىنىڭ «بولاشاققا باعدار: رۋحاني جاڭعىرۋ» جانە «ۇلى دالانىڭ جەتى قىرى» ماقالاسى اياسىندا دا ىشكى ءتۋريزمدى دامىتۋ قولعا الىندى.  وسى جەردە ايتا كەتەر ءبىر جايت، قازاقستاندىقتاردىڭ  بۇگىنگى تاڭدا ساۋىقتىرۋ جانە جاعاجاي تۋريزمىنە اڭسارى كۇشتى. بۇل ورايدا الاكول، بالقاش، كاسپيي تەڭىزى مەن بۋراباي ماڭايىنداعى كولدەرگە دەمالاتىن ازاماتتار كۇرت كوبەيگەن. 2018 جىلى قازاقستاننىڭ كۋرورتتىق ايماقتارىندا 1 ميلليوننان استام ادام ەم الىپ، دەمالىپ قايتقان كورىنەدى. سونداي-اق 2018 جىلى ىشكى تۋريزم سالاسىندا 4،7 ميلليون ادام ەل ارالاپ، تاريحي -مادەني ەسكەرتكىشتەر كوپ ورنالاسقان اۋماققا بارىپ قايتقان. سونداي-اق ەلىمىزدە ەكوتۋريزم سالاسى دا قارقىندى دامي باستادى. بۇل قىسقا نەمەسە بىر-ەىك جانە تورت-بەس كۇندىك ساپارلار. ەلىمىزدىڭ كورىكتى جەرلەرىن شولىپ قايتاتىن تۋريستەر بۇل جەرلەردە كوپ ايالدامايدى. ءبىراق سۇلۋلىلىعىنا سۇقتانىپ قايتادى. ەكوتۋريزمنىڭ ءبىر جاقسى جاعى دا وسى. وسىعان بايلانىستى قازىرگى ۋاقىتتا ەلباسى تاپسىرماسىنا ساي، ەكوتۋريزمدى دامىتۋ جاعى قارقىندى تۇردە قولعا الىندى.

ەلباسى ەلىمىزدە ءتۋريزمدى دامىتۋعا نەگە كوڭىل ءبولىپ وتىر؟ مۇنىڭ سەبەبى نەدە؟

1. اقيقاتىن ايتقاندا، تۋريزمنەن قازاقستان ەكونوميكالىق جاعدايىن جاقسارتادى.

2. قازىناعا قوماقتى سالىق تۇسەدى.

3. تۇسكەن سالىقتان ءبىرقاتار الەۋمەتتىك ماسەلەلەر شەشىلەدى.

4. جەرگىلىكتى اۋماقتا شاعىن جانە ورتا كاسىپكەرلىك كاسىپكەرلىك داميدى.

5. سەرۆيستىك قىزمەت جاقسارادى

6. ماۋسىمدىق جۇمىستار كوبەيەدى، جۇمىسسىزداردىڭ سانى ازايادى.

ارينە، مۇنىڭ بارلىعى ءبىر جىلدا شەشىلە سالاتىن شارۋا ەمەس. سوندىقتان دا  تۇڭعىش پرەزيدەنت نۇرسۇلتان نازاربايەۆ ءوزىنىڭ «100 ناقتى قادام» ستراتەگيالىق قۇجاتىندا تۋريزم سالاسىنا ايرىقشا نازار اۋداردى. ۇلت جوسپارىنىڭ  57-قادامىندا  تۋريستىك كلاستەرلەر قۇرۋ ءۇشىن الەمدىك تاجىريبەسى بار ينۆەستەورلاردى تارتۋ تۋرالى ماسەلە كوتەردى. مۇنداعى ماقسات بىرەۋ – حالىقارالىق تۋريزم سالسىندا باسەكەلەستىكتى ارتتىرۋ. قازاقستاننىڭ وڭ ءيميدججىن قالىپتاستىرۋ.

سوندىقتان دا قازىرگى ۋاقىتتا ەلىمىزدە ءتۋريمدى دامىتۋدىڭ مەملەكەتتىك كارتاسى جاسالدى. مادەنيەت جانە سپورت مينيسترلىگىنىڭ باسپا ءسوز حاتشىسىنان الىنعان دەرەككە سەنسەك، قازىرگى ۋاقىتتا تۋريستەر كەلەتىن ەلىمىزدەگى ەڭ ۇزدىك 10 ايماق اتالعان. سونىمەن قاتار، تۋريستەر باراتىن نەمەسە قىزىعا كورەتىن 50 ايماق جانە بار. ونىڭ بارلىعىنىڭ دا ينفراقۇرىلىمدىق جانە كولىك- جول  باعىتتارى انىقتالىپ، جۇمىس جۇيەلى جۇرگىزىلۋدە.  بۇل بويىنشا الداعى تورت-بەس جىلدا تۋريستەر اعىنى ءتورت ەسەگە ارتادى دەگەن مالىمەت بار. سونداي-اق وسى باعىتتا جاڭادان 65 مىڭعا جۋىق جۇمىس ورىندارى قۇرىلماق. سونىمەن...

رەسپۋبليكا بويىنشا تۋريستەر باراتىن ەڭ ۇزدىك 10 باعىت قايسى؟

1.  استانا قالاسى

2. «بۋراباي» كۋرورتتىق ايماعى

3.  الاكول كولى

4. الماتى وبلىسىنىڭ تاۋ كلاستەرى

5.  باياناۋىل كۋرورتتىق ايماعى

6. يمانتاۋ-شالقار كۋرورتتىق ايماعى

7. بالقاش كولى

8. تۇركىستان قالاسى، قوجا احمەت ياسساۋي كەسەنەسى،  ارىستان باب،

9. بايقوڭىر عارىش كەشەنى

10. ماڭعىستاۋ ايماعى اتالعان 10 ۇزدىك تۋريستىك ايماققا جىلىنا 200 مىڭنان باستاپ 2 ميلليونعا دەيىن ادامدار كەلەدى، تاماشالايدى. كورىپ، كوزدەرى تويىپ، دەمالىپ قايتادى.

اقيقاتىندا 100 ناقتى قادام ۇلت جوسپارىنان كەيىن قازاقستاننىڭ دامۋىنا ەرەكشە سەرپىن بەرەتىن تۋريستىك سالاعا ايراقشا نازار اۋدارىلا باستادى. بۇل ارينە، مەملەكەتتىڭ، ۇكىمەتتىڭ باعدارلى جۇمىسىنىڭ ناتيجەسى دەپ بىلەمىز.

اۆتور: جۇلدىز مۇقانوۆا