ق ر ۇكىمەتىنىڭ قالۋىلارىمەن قازاقستان رەسپۋبليكاسى ساۋدا جانە ينتەگراسيا ۆيسە-مينيسترلەرى بولىپ جانەل كۋشۋكوۆا جانە ازامات اسقار ۇلى تاعايىندالدى. 

جانەل كۋشۋكوۆا پەتروپاۆل قالاسىندا تۋعان. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن بىتىرگەن. ەڭبەك جولىن 2001 جىلى قازاقستان رەسپۋبليكاسى ەكونوميكا جانە ساۋدا مينيسترلىگى دەمپينگكە قارسى باقىلاۋ كوميتەتىنىڭ ىشكى نارىقتى قورعاۋ جونىندەگى جەتەكشى ساراپشىسى رەتىندە باستادى. 2002-2004 جج. - قازاقستان رەسپۋبليكاسى يندۋستريا جانە ساۋدا مينيسترلىگى ساۋدا، حالىقارالىق ىنتىماقتاستىق جانە ەكسپورتتىق باقىلاۋ دەپارتامەنتىنىڭ كەدەندىك جانە تاريفتىك ساياسات ءبولىمىنىڭ جەتەكشى مامانى. 

2004-2008 جج. - دسۇ-عا كىرۋ دەپارتامەنتىنىڭ كەدەندىك-تاريفتىك رەتتەۋ ءبولىمىنىڭ باستىعى، باسقارما باسشىسىنىڭ ورىنباسارى، باسقارما باسشىسى.

2008-2010 جج. - قازاقستان رەسپۋبليكاسى يندۋستريا جانە ساۋدا مينيسترلىگىنىڭ سىرتقى ساۋدا ساياساتى دەپارتامەنتىنىڭ ديرەكتورى.

سوڭعى 9 جىل بويى قازاقستان رەسپۋبليكاسى ۇلتتىق ەكونوميكا مينيسترلىگىنىڭ سىرتقى ساۋدا ساياساتىن دامىتۋ دەپارتامەنتىنىڭ ديرەكتورى قىزمەتىن اتقاردى. 

ازامات اسقار ۇلى 1984 جىلى الماتى وبلىسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن، گارۆارد ۋنيۆەرسيتەتىن، گونكونگ عىلىم جانە تەحنولوگيا ۋنيۆەرسيتەتىن بىتىرگەن.

ءتۇرلى جىلدارى «سامۇرىق قازىنا ينۆەست» ج ش س حالىقارالىق قاتىناستار دەپارتامەنتىنىڭ ديرەكتورى قىزمەتىن اتقاردى، «KTZ Express Hong Kong Ltd»-نى باسقاردى، «قتج ەكسپرەسس» اق اۋە كولىگى دەپارتامەنتىنىڭ باس مامانى بولدى. 

2017 جىلدان باستاپ قازاقستان رەسپۋبليكاسى پرەمەر-مينيسترىنىڭ ورىنباسارىنىڭ كەڭەسشىسى بولدى.