پوليسيا قىزمەتكەرلەرى ەكى ساعات ىشىندە اۋىر قىلمىستى انىقتادى دەپ جازادى Qamshy.kz اقپارات اگەنتتىگى. بۇل تۋرالى جامبىل وبلىستىق پوليسيا دەپارتامەنتى مالىمدەدى.

8-شىلدە كۇنى تاراز قالاسىنداعى پوليسيا باسقارماسىنا وبلىستىق پەرزەنتحانادان ونىڭ جاڭا بوسانعان ءسابيىن ۇرلاپ كەتكەنى تۋرالى شاعىممەن جاس ايەل كەلگەن.

"جاس ءسابيدى ىزدەۋ وپەراسياسىن تاراز پوليسيا باسقارماسىنىڭ باسشىسى، پوليسيا پولكوۆنيگى ارداق ماديماروۆ باسقارعان. جەدەل قيمىلداعان توپ قالاداعى بارلىق ۆيدەوكامەرالاردى قاراپ، ماتەريالداردى زەرتتەپ، ۇرىنىڭ باعىتىن انىقتاعان. انىقتالعان باعىت بويىنشا قوناق ۇيلەردىڭ بىرىنە جەتىپ، نومەرلەردىڭ بىرىنەن ءسابيدى تاپقان"، - دەلىنگەن مالىمدەمەدە.

وسىنداۋ اۋىر ءارى قيىن قىلمىستى انىقتاۋ ءۇشىن ەكى ساعات ۋاقىت قاجەت بولىپتى.

"ءسابي ۇرلاۋ فاكتىسى بويىنشا كۇدىكتى رەتىندە جامبىل وبلىسى، جامبىل اۋدانى، قاراكەمەر اۋىلىنىڭ 22 جاسار تۇرعىنى قۇرىقتالدى. ق ر قك 135-باپتىڭ 2-تارماعى بويىنشا سوتقا دەيىنگى تەرگەۋ جۇمىستارى باستالدى. ەگەر كۇدىكتى قىلمىسىن مويىنداسا، ونى 10 جىلعا دەيىنگى باس بوستاندىعىنان ايىرىپ، مۇلكىن تاركىلەيدى"، - دەدى پوليسيا باسقارماسىنداعى شەندىلەر.