قىزىلوردا وبلىسىندا 43 جاستاعى ەر ادام پوليسيا قىزمەتكەرلەرى تۇتقىنداعان كەزدە قايتىس بولدى. مارقۇمنىڭ تۋىستارى پوليسيانىڭ ولتىرگەنىن العا تارتسا، پوليسيا دەپارتامەنتىنىڭ وكىلدەرى بۇل نۇسقانى جوققا شىعارادى دەپ حابارلايدى Qamshy.kz اقپارات اگەنتتىگى.

2019 جىلدىڭ 10-شىلدەسى كۇنى قىزىلوردا وبلىسىنىڭ تۇرعىنى ازاماتىن پوليسيا قىزمەتكەرلەرى ولتىرگەنى تۋرالى ايتقان ۆيدەوسى جاريالانعان. ۆيدەودا مارقۇمنىڭ قارىنداسى ب ا ق وكىلدەرىنە ءوتىنىش ءبىلدىردى.

"بۇگىن تۇندە قىزىلوردا قالاسىنىڭ پوليسيا قىزمەتكەرلەرى 1976 جىلى تۋعان مەنىڭ اعام اجىمبايەۆ باۋىرجان شاكيمۇلىن ۇرىپ ءولتىردى. مەن بۇل ءىستى بۇكىل ەل بىلگەنىن، كىنالىلەر جازاسىن العانى دۇرىس دەپ سانايمىن. وسى ءىستى باقىلاۋعا الىپ، مەجەلى جەرىنە دەيىن جەتكىزۋگە كومەكتەسىڭىزدەرشى. مەنىڭ اتىم – ابساماتوۆا اجار. سىزدەردەن ءوتىنىپ سۇرايمىن. انامىز ءۇشىنشى بالاسىن، جالعىز ۇلىن جوعالتىپ وتىر. بۇل ادامدار لايىقتى جازاسىن الۋى كەرەك"، - دەدى ول.

بۇل اقپاراتقا قاتىستى قىزىلوردا وبلىستىق پوليسيا دەپارتامەنتىنىڭ باسپا ءسوز قىزمەتى پىكىر ءبىلدىردى.

"2019 جىلدىڭ 10-شىلدەسى كۇنى 43 جاستاعى قىزىلوردا قالاسىنىڭ تۇرعىنى ماس كۇيىندە كولىك باسقارىپ كەلە جاتقان. ال ءتارتىپ ساقشىلارى ونى توقتاتقان كەزدە قارسىلىق بىلدىرگەن. قىزمەتتىك كولىككە مىنگىزىپ، بولىمشەگە الىپ كەلە جاتقان ۋاقىتتا ول اياق استىنان ەسىن جوعالتادى. پوليسيا قىزمەتكەرلەرى جەدەل جاردەم شاقىرعان. ءبىراق جەدەل جاردەم كەلگەنشە ول قايتىس بولىپتى. سوت-مەديسينالىق ساراپتاما قورىتىندىسىندا مارقۇمعا ەشقانداي كۇش قولدانىلماعانى انىقتالدى. قازىرگى ۋاقىتتا وقيعا زەرتتەلۋ ۇستىندە. جاقىن ارادا قورىتىندى شەشىمدى جاريالايمىز"، - دەلىنگەن وبلىستىق پوليسيا دەپارتامەنتىنىڭ باسپا ءسوز قىزمەتىندە.