ء-بىرىنشىسى – كەپىلدەندىرىلگەن تەگىن مەديسينالىق كومەك پاكەتى.
كەپىلدەندىرىلگەن تەگىن كومەك (تمككك) پاكەتى ەڭ مينيمالدى ستاندارتتاردان تۇرادى.
وعان مىناداي قىزمەتتەر كىرەدى: دارىگەرلىك كومەكتى قاجەت ەتەتىن شۇعىل جاعدايلاردا كومەك كورسەتۋ، جەدەل جاردەم، سانيتارلىق اۆياسيا، ءبىرقاتار سوزىلمالى اۋرۋلاردى ديناميكالىق باقىلاۋ، شۇعىل جاعدايدا ستاسيوناردا ەمدەۋ وسى پاكەت شەڭبەرىندە جۇزەگە اسىرىلادى. مۇنى بارلىق ازاماتتار، ساقتاندىرىلعان-ساقتاندىرىلعانىنا قاراماي پايدالانا الادى.
مەملەكەت تاراپىنان كەپىلدىك بەرىلگەن كومەك بويىنشا بارلىق ازاماتتار: ەمحاناعا قارالىپ، ستاسيوناردا جاتىپ ەمدەلە الادى؛ الەۋمەتتىك ماڭىزى بار اۋرۋلار وسى پاكەت نەگىزىندە تەگىن ەمدەلەدى.
مەديسينالىق وڭالتۋ قىزمەتىن تەك تۋبەركۋلەزگە شالدىققاندارعا عانا پايدالانا الادى. ءزارۋ ازاماتتارعا تەگىستەي پاللياتيۆتىك كومەك كورسەتىلەدى. نەگىزگى جۇقپالى ەمەس اۋرۋلار مەن قورشاعان ورتاعا ءقاۋىپ توندىرەتىن جۇقپالى اۋرۋلار دا وسى ءتارتىپ بويىنشا ەمدەلەدى.
تمككك پاكەتى ازاماتتاردىڭ بارىنە، بيۋدجەت ەسەبىنەن تەگىن كورسەتىلەدى. سوندىقتان دا بۇل كەپىلدەندىرىلگەن ستاندارت بولىپ سانالادى.
كومەكتىڭ ەكىنشى دەڭگەيى – مىندەتتى الەۋمەتتىك مەديسينالىق ساقتاندىرۋ (ءمامس) پاكەتى. باعاسى قىمبات بولىپ كەلەتىن وپەراسيالار، سيرەك مەديسينالىق قىزمەت تۇرلەرى، سالالىق مامانداردىڭ قابىلداۋى سىندى ت.ب. قىزمەتتەر كىرەتىن ءمامس پاكەتىن ساقتاندىرىلعاندار پايدالانا الادى.
ءمامس پاكەتىنە تابىسى ورتاشا ازاماتتاردىڭ قالتاسى كوتەرە بەرمەيتىن: مرت، كومپيۋتەرلىك توموگرافيا، پسر-اناليز سىندى قىزمەتتەر دە ەنگىزىلدى. سونداي-اق، كەپىلدەندىرىلگەن تەگىن كومەك پاكەتىنە ەنبەگەن سىرقاتتارعا شالدىققان جاعدايدا ستاسيوناردى الماستىراتىن كومەك پەن جوسپارلى ستاسيونارلىق كومەك تە ءمامس پاكەتى شەڭبەرىندە كورسەتىلەدى،-دەپ ءتۇسىندىردى باقىت تورعايباي ۇلى.
پىكىر قالدىرۋ