جالپى العاندا، تاريفتەردى ەسەپتەۋ ادىستەمەسى دە تۇبەگەيلى وزگەرمەك. 2021 جىلدان باستاپ تاريف قالىپتاستىرۋ بارىسىندا امورتيزاسيالىق شىعىندار ەسكەرىلەتىن بولادى. تاريف ماسەلەسىندەگى نەگىزگى وزگەرىستىڭ ءبىرى وسى.

مەديسينالىق قىزمەتتەردىڭ نارىقتاعى باعاسى مەن مەملەكەتتىك تاريفيكاتوردى سالىستىرساق تاريف قالىپتاستىرۋ تاسىلدەرىنىڭ اراسىنداعى الشاقتىقتى بايقاۋعا بولادى. مىسالى، كەپىلدەندىرىلگەن تەگىن مەديسينالىق كومەك شەڭبەرىندە بۇيرەككە جاسالاتىن ۋدز ءۇشىن 804 تەڭگە تولەنەدى. ال، مەملەكەتتىك مەديسينا ۇيىمدارىندا ۋدز اقىلى تۇردە جاساتۋ ءۇشىن ورتا
ەسەپپەن 2 230 تەڭگە تولەۋ قاجەت.

شەشۋدى قاجەت ەتەتىن ماسەلەنىڭ ءبىرى – پروفيلاكتيكالىق قىزمەتتەردى دامىتۋ سالاسى. بۇل قىزمەتتەر ەمحانالار مەن دارىگەرلىك
امبۋلاتوريالاردا كورسەتىلەدى. ەڭ الدىمەن وسى بلوكتاعى تاريفتەردى كوتەرەمىز. سەبەبى پروفيلاكتيكانىڭ ءمانى زور،- دەدى ءمامس قورى فيليالىنىڭ باسشىسى ب.يسماحانبەتوۆ.

باسشىنىڭ مالىمدەۋىنشە، «جىل باسىنان بەرى تاريفتەر ەكى رەت كوتەرىلدى. ءبىرىنشى كەزەڭدە – مەديسينا سالاسىنداعى جالاقىسى تومەن مامانداردىڭ ايلىعى كوتەرىلدى، ەكىنشى كەزەڭدە – مەديسينا ۇيىمدارىنداعى بارلىق قىزمەتكەرلەردىڭ جالاقىسى ءوستى.

قارجىنىڭ ءوسۋى ساتىپ الىناتىن قىزمەت تۇرلەرىن كوبەيتۋگە مۇمكىندىك بەرەدى. ناتيجەسىندە دەنساۋلىق ساقتاۋ سالاسىندا جاعىمدى وزگەرىستەر بولادى:
- اقشا كوبەيگەن سوڭ تاريف وسەدى،
- تاريف جوعارى بولعان سوڭ مەملەكەتتىك تاپسىرىستى ورىنداۋعا قۇلشىناتىن
كلينيكالار سانى ارتىپ، بيزنەس جاڭا كلينيكالار اشۋعا ىنتالى بولادى،
- كلينيكا قانشا كوپ بولسا، پاسيەنت ءۇشىن كۇرەس تە كۇشەيەدى،
- باسەكەلەستىك قانشا كۇشتى بولسا، حالىققا كورسەتىلەتىن قىزمەت ساپاسى دا
جوعارىلايدى.

ءمامس جۇيەسى دەنساۋلىق ساقتاۋ سالاسىنا، ءاربىر پاسيەنتكە وسىنداي مۇمكىندىكتەر بەرەدى».