بولىنەتىن قارجى كولەمى جىل سايىن ارتىپ كەلەدى. بۇل تۋرالى بۇگىن وڭىرلىك كوممۋنيكاسيالار قىزمەتى الاڭىندا وتكەن بريفينگ بارىسىندا مەملەكەتتىك الەۋمەتتىك-مەديسينالىق ساقتاندىرۋ (ءمامس) قورىنىڭ ماڭعىستاۋ وبلىسى بويىنشا فيليالىنىڭ باسشىسى باقىت يسماحانبەتوۆ مالىمدەدى.

باقىت تورعايباي ۇلىنىڭ ايتۋىنشا، «2013 جىلى كەپىلدىك بەرىلگەن تەگىن مەديسينالىق كومەككە 608،1 ملرد تەڭگە بولىنگەن بولسا، 2019 جىلى بۇل قارجى كولەمى 972،7 ملرد تەڭگەگە جەتتى. 2017 جىلى ەلىمىزدە مەديسينالىق كومەككە جان باسىنا شاققاندا 91
مىڭ تەڭگە نەمەسە 280 اقش دوللارى جۇمسالعان.

بۇل 2013 جىلعى كورسەتكىشتەن 35 مىڭ تەڭگەگە كوپ. ال، ەكونوميكالىق ىنتىماقتاستىق جانە دامۋ ۇيىمى ەلدەرىندە بۇل كورسەتكىش 3000 دوللاردان اسىپ-جىعىلادى. قارجى تاپشىلىعىنا – تەحنولوگيا باعاسىنىڭ قىمباتتاۋى، ادامداردىڭ ءومىر جاسىنىڭ ۇزارۋىنا بايلانىستى مەديسينالىق قىزمەتتەردى تۇتىنۋ كولەمىنىڭ، مەدقىزمەتتى ءجيى پايدالاناتىن – بالالار مەن قارت كىسىلەر
سانىنىڭ ارتۋى، سونداي-اق، جۇقپالى ەمەس سوزىلمالى اۋرۋلاردىڭ كوبەيۋى سەبەپ».