رۋحاني جاڭعىرۋ" ماقالاسى اياسىندا شىققان كىتاپتا اقىننىڭ ءتۇرلى تاقىرىپتاعى جىرلارى توپتاستىرىلعان. تارالىمى 300 دانا. باسىلىمدى اۆتور ءوزى قارجىلاندىرعان.

رامازان تۇرماعامبەتتىڭ ادەبيەت الەمىنە بالا كەزدەن جانى قۇمار. جاستايىنان قالام تەربەپ، ءتۇرلى تاقىرىپتا ولەڭ ءورىپ ءجۇر. اقىن تابيعاتپەن تىلدەسىپ، ادەمى كورىنىستەردەن شابىت الادى ەكەن. وسى ۋاقىتقا دەيىن قاعازعا تۇسكەن جۇزگە جۋىق جىرلارى «قۇس جولى» اتتى كىتاپ بولىپ جارىق كوردى.

-تولەگەن ايبەرگەنوۆ اعامىز ايتپاقشى، «مەن ولەمىن ءوزىمنىڭ» بيىگىمدە دەمەكشى،ءار اقىننىڭ ءوزىنىڭ بيىگى،ۇشاتىن شىڭى بار.سول سياقتى،ولەڭدەرىمىز بيىكتەسىن،قالىقتاسىن دەگەن نيەتتە تاقىرىپتى وسىلاي الدىق. كىتاپ بولىپ جيناقتالۋىنا ۇلكەن كومەك بەرگەن مۇرات جەتەكباي جانە نياز توبىش دەگەن اعالارىمىز ۇلكەن ىقپالىن تيگىزدى، - دەيدى اقىن رامازان تۇرماعامبەت.

جۋىردا تۇساۋى كەسىلگەن جاڭا جىر جيناعى سۇيىكتى وقىرماندارىن تاۋىپ ۇلگەرگەن. ويتكەنى، كىتاپتان تۋعان جەر، تابيعات، اتا-انا، ماحاببات تۋرالى ءتۇرلى تاقىرىپتاعى تۋىندىلاردى كەزىكتىرۋگە بولادى.