«Yessenov University»-دە وتكەن كونفەرەنسيا جۇمىسىنا «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، ماڭعىستاۋ وبلىسىنىڭ اكىمى سەرىكباي ترۇموۆ، «Nur Otan» پارتياسى ماڭعىستاۋ وبلىستىق فيليالى ءتوراعاسىنىڭ ءبىرىنشى ورىنباسارى ەلۋباي ءابىلوۆ، وبلىستىق ءماسليحاتتاعى دەپۋتاتتىق فراكسيانىڭ مۇشەلەرى، پارتيا بەلسەندىلەرى، ب ا ق وكىلدەرى قاتىستى.

باسقوسۋدا ءسوز العان «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك پارتيا ءتوراعاسى، ەلىمىزدىڭ تۇڭعىش پرەزيدەنتى نۇرسۇلتان نازاربايەۆتىڭ بەرگەن ءبىرقاتار تاپسىرمالارىنىڭ ورىندالىسىنا باسا نازار اۋدارۋ قاجەتتىگىن ايتىپ، پارتيانىڭ باستاماسىمەن جۇزەگە اسىرىلىپ جاتقان جوبالاردىڭ ۋاقتىلى ءارى ساپالى ورىندالۋىنا باسا ءمان بەرۋگە شاقىردى. حالىقتىڭ مۇڭ-مۇقتاجىنا قۇلاق ءتۇرۋ، كەم-كەتىكتەردى تولىقتىرۋ قاجەت. باۋىرجان بايبەك وسى ماسەلەلەرگە باسا نازار اۋدارۋ كەرەكتىگىن ايتتى.

سەبەبى، تۇرعىنداردىڭ الەۋمەتتىك-ساياسي ومىرىندەگى پارتيانىڭ ءرولى ەرەكشە. وسىنى ۇمىتپاۋ كەرەك. ەلدىڭ الەۋەتىن ارتتىراتىن
باستامالاردى دا اياقسىز قالدىرماۋدى تاپسىردى. اسىرەسە "باقىتتى وتباسى"، "قۇتتى مەكەن"، "حالىققا كومەك"، "اۋىل-ەل بەسىگى" سىندى 20 جوبانىڭ جۇمىسىن جانداندىرۋ شارت، دەدى ول.

سونىمەن قاتار، كونفەرەنسيا بارىسىندا «Nur Otan» پارتياسى ماڭعىستاۋ وبلىستىق فيليالىنىڭ جاڭا ءتوراعاسى بولىپ وبلىس اكىمى سەرىكباي ترۇموۆ سايلاندى. ال ءتوراعا كۋالىگىن سەرىكباي وتەلگەنۇلىنا باۋىرجان بايبەكتىڭ ءوزى تاپسىردى. سونداي-اق، پارتيانىڭ ماڭعىستاۋ وبلىستىق فيليالى ساياسي كەڭەسىنىڭ قۇرامىنا وزگەرىستەر ەنگىزىلدى.

وتىرىستا باۋىرجان بايبەك قوعامدىق ديالوگ قامتاماسىز ەتۋ كەرەكتىگىن ايتىپ، ارىستىقتارعا كومەك قولىن سوزعان ماڭعىستاۋ حالقىنا ريزاشىلىعىن ءبىلدىردى. پارتيانىڭ جۇمىسى ەلدىڭ ماسەلەسى، دەدى ول. سودان سوڭ، قۇرىلىسى ءجۇرىپ جاتقان ونكولوگيالىق ورتالىقتىڭ جۇمىسىن تانىستى.