وزبەكستان ازاماتتارىنان اتوم ەلەكتر ستانسياسىن (اەس) سالۋعا قاتىستى سۇرالعان ساۋالنامانىڭ ناتيجەسى شىقتى دەپ حابارلايدى Qamshy.kz اقپارات اگەنتتىگى Podrobno.uz سايتىنا سىلتەمە جاساپ.

زەرتتەۋ جۇمىستارى "يجتيمويي فيكر" قوعامدىق پىكىر رەسپۋبليكالىق ورتالىعى ارقىلى ۇيىمداستىرىلعان. ساۋالناما ءارتۇرلى الەۋمەتتىك جاعدايداعى تۇرعىنداردىڭ توبىنان الىندى.

زەرتتەۋ ناتيجەسى بويىنشا، ساۋالناماعا قاتىسقان رەسپوندەنتتەردىڭ جارتىسىنان كوبىنىڭ (69،5%) اتوم ەنەرگەتيكاسى تۋرالى حابارى بار. ءبىراق، كوپتەگەن ادامدار تابيعي رەسۋرستاردىڭ ۇنەمدەۋ ماقساتىندا اتوم ەنەرگياسىنىڭ بەيبىت قولدانۋ ماڭىزدىلىعىن ايتقان.
سونىمەن قاتار، زەرتتەۋشىلەر  اەس قۇرىلىسىنا قاتىستى پىكىرلەر  نەگە جاعىمسىز ەكەنىنە دە تالداۋ جاساعان.

بۇل ورايدا رەسپوندەنتتەردىڭ كوبىسى اتوم ەنەرگياسىنىڭ ەكولوگياعا زياندىلىعى تۋرالى ايتقان.  ادامداردىڭ 30 پايىزى بۇل تۋرالى ءتىپتى بىلمەيتىنىن جەتكىزگەن. ال ولاردىڭ 20 پايىزى ەكولوگيا قورشاعان ورتاعا زيانىن تيگىزەدى دەپ ويلايدى. ءبىراق تا ساۋالناماعا قاتىسقان ادامداردىڭ باسىم بولىگى قازىرگى زامانعا ساي اتوم ەلەكتر ستانسيالارىنان تابيعاتقا زالال كەلمەيدى دەپ ەسەپتەيدى.

سونىمەن. ساۋالناما ناتيجەسى نەنى كورسەتتى؟ ساراپقا سالار بولساق، وزبەكستان تۇرعىندارى اتوم ەلەكتر ستانسياسىنىڭ قۇرىلىسىن سالۋعا قارسى ەمەس. ساۋالناماعا قاتىسقانداردىڭ  83 پايىزى اەس قۇرىلىسىن سالۋ دۇرىس دەپ ەسەپتەيدى، 85،6 پايىزى اەس قىزمەتىن قولدايتىنىن ايتقان.

سۇرالعان ءاربىر ەكىنشى رەسپوندەنت (55،7%) اەس قۇرىلىسىندا نەمەسە ستانسيانىڭ وزىندە جۇمىس ىستەۋگە دايىن.