تانىمال ازىلكەش، "كازاحي" كۆن كومانداسىنىڭ ويىنشىسى نۇرداۋلەت شەرتىم نۇر-سۇلتان قالاسىنىڭ پانكراتيون فەدەراسياسىنىڭ قوعاممەن بايلانىس جونىندەگى ديرەكتورى قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

ول جاڭا قىزمەتتە نەمەن اينالىساتىنىن ايتىپ بەردى. 

"پانكراتيون وتە دامىعان سپورت ءتۇرى. مەنىڭ جۇمىسىم - قازىرگى جاستاردى وسى سپورتپەن تانىستىرۋ، ولاردىڭ پانكراتيونعا دەگەن قىزىعۋشىلىعىن، ىنتاسىن ارتتىرۋ. كەشە كەشكە عانا بۇيرىق شىقتى. قۇداي قالاسا، وسى اپتادا ىسكە كىرىسەمىن"، - دەدى جاڭا قىزمەتكە تايىندالعان نۇرداۋلەت شەرتىم.

سونداي-اق، ول فەدەراسيانىڭ الداعى جوسپارىنا دا توقتالدى.

"قاراشانىڭ 1  مەن 5 ارالىعىندا پانكراتيوننان يتاليادا الەم چەمپيوناتى بولادى. سوعان سپورتشىلاردى دايىندايمىز"، - دەدى نۇر-سۇلتان قالاسىنداعى پانكراتيون فەدەراسياسىنىڭ قوعاممەن بايلانىس جونىندەگى ديرەكتورى.

ايتا كەتسەك، نۇرداۋلەت شەرتىم "كازاحي" كۆن كومانداسى قۇرامىندا جوعارى ليگانى ۆيسە-چەمپيونى (2010)، پراگا كۋبوگىنىڭ جەڭىمپازى (2010) اتانعان. سونداي-اق بەلگىلى ازىلكەش "بازاربايەۆتار" سەريالىنا، "گۋد باي، موي باي!" جانە "جەناتيكي" فيلمدەرىنە ءتۇستى.