Kaspi bank بۇرىنعى قىزمەتكەرىن تاۋىپ بەرگەن ادامعا 10 ملن تەڭگە سىياقى بەرمەك دەپ جازادى Qamshy.kz اقپارات اگەنتتىگى. بۇل تۋرالى بانكتىڭ الەۋمەتتىك جەلىدەگى پاراقشاسىندا جازىلعان.
"پاۆلوداردا Kaspiء-دىڭ بۇرىنعى قىزمەتكەرى سەكسەمبايەۆ رۋسلان ۆلاديسلاۆوۆيچ بانكتىڭ اتىن جامىلىپ، Kaspiء-دىڭ كليەنتتەرىن الداپ كەلگەن.
⠀
كەپىلدەگى جىلجىمايتىن مۇلىكتى ساتىپ الۋعا كومەكتەسەمىن دەگەن ۋادەمەن ول جابىرلەنۋشىلەردى ءوزىنىڭ شوتىنا قاراجات اۋدارۋعا كوندىرگەن، سودان كەيىن قاشىپ كەتكەن.
⠀
ءقازىر پوليسيا تەرگەۋ-ىزدەستىرۋ شارالارىن جۇرگىزىپ جاتىر.
⠀
Kaspi قىلمىسكەردى تاۋىپ، جازالاۋ، كليەنتتەردىڭ مۇددەلەرىن قورعاۋ ماقساتىندا قۇقىق قورعاۋ ورگاندارىمەن بەلسەندى جۇمىس جۇرگىزۋدە.
⠀
الاياقتىڭ قازىرگى ورنالاسقان جەرى تۋرالى اقپارات ءۇشىن Kaspi 10 000 000 تەڭگە مولشەرىندە سىياقى تاعايىندايدى.
⠀
دەرەكتەردى +7 705 211 16 93 تەلەفون ءنومىرى ارقىلى Kaspiء-دىڭ قاۋىپسىزدىك قىزمەتىنە حابارلاۋعا بولادى.
⠀
ەگەر ءسىز نەمەسە ءسىزدىڭ جاقىندارىڭىز وسى ادامنىڭ ارەكەتتەرىنەن زارداپ شەكسەڭىزدەر، پاۆلودار قالاسىنىڭ قۇقىق قورعاۋ ورگاندارىنا ارىزبەن جۇگىنۋدى سۇرايمىز.
⠀
بانكپەن جاسالاتىن بارلىق قارجىلىق قاتىناستاردىڭ شارتپەن بەكىتىلەتىنىن ەستەرىڭىزگە سالامىز. بانك ەشقاشان بىرەۋدىڭ شوتىنا قاراجات اۋدارۋدى تالاپ ەتپەيدى.
⠀
مۇقيات بولىڭىزدار! ءوز اقشاڭىزدى الاياقتارعا سەنىپ تاپسىرماڭىزدار!"، - دەلىنگەن حابارلامادا.
