2012 جىلدىڭ ماۋسىمىندا برازيليادا وتكەن ريو+20 سامميتىنەن كەيىن حالىقارالىق نارىقتا جەكە مەملەكەتتەردىڭ دامۋ باعدارلاماسىندا بالامالى ەنەرگيا كوزدەرى  نەمەسە «جاسىل ەكونوميكا» تەرمينى قولدانا باستادى.

قازاقستان پرەزيدەنتىنىڭ باستاماسىنان كەيىن الەم قوزعالا باستادى دەسەك تە، بولادى. راسىندا دا اۋا لاستانىپ، قۋات تاۋسىلا باستاعان شاقتا باسقا بالاما كوزدەردى ىزدەگەن دۇرىس ەكەنى بەسەنەدەن بەلگىلى. ءبىراق بۇل تەرميندى اركىم وزىنشە تۇسىنەدى.

شىندىعىندا دا، «جاسىل ەكونوميكا» دەگەنىمىز نە؟

بىرىنشىدەن، بۇل – تابيعي قورلاردى ءتيىمدى پايدالانۋ

ەكىنشىدەن، ەكولوگيالىق جاعىنان تازا ونىمدەر شىعارۋ.

ۇشىنشىدەن، حالىقتىڭ  ءال-اۋقاتىن ارتتىرۋ

تورتىنشىدەن، بۇل –ەكونوميكانىڭ تىڭ سالاسى

بەسىنشىدەن، رەسۋرستاردى ۇنەمدەپ، ءتيىمدى تۇتىنۋ

قازاقستاندا وسى سالانى، اتاپ ايتقاندا، «جاسىل ەكونوميكانى» دامىتۋ بويىنشا ارنايى تۇجىرىمداما دا قابىلداندى. بۇل بىرنەشە كەزەڭدى قامتيتىنىن ايتا كەتۋ كەرەك.

«جاسىل ەكونوميكاعا»  بايلانىستى قازاقستان ۇكىمەتى تۇجىرىمدامانى جۇزەگە اسىرۋ ءۇشىن قازىرگى ۋاقىتتا ءۇش كەزەڭ بويىنشا جۇمىس ىستەۋگە كوشتى.

ءبىرىنشى كەزەڭ – 2013 جانە 2020 جىلداردى قامتيدى.

ەكىنشى كەزەڭ – 2020 جانە 2030 جىلدار ارالىعىندا ىستەلىنەتىن جۇمىستار.

ءۇشىنشى كەزەڭ – 2030-2050 جىلدار ارالىعىندا ۇلتتىق ەكونوميكانىڭ ريەۆوليۋسيالىق وسىپ-وركەندەۋى

ءۇش كەزەڭ بويىنشا جۇزەگە اسىرىلاتىن مىندەتتەر قوماقتى. بۇل ورايدا قازاقستان ۇكىمەتى «جاسىل ەكونوميكانى» دامىتۋدىڭ جەتى باعىتىن اتاپ كورسەتتى.

ءبىرىنشى – سۋ رەسۋرستارىن دۇرىس پايدالانۋ

ەكىنشى باعىتى –حالىقتى اۋىز سۋمەن قامتاماسىز ەتىپ، جوعارى ءونىم بەرەتىن اۋىل شارۋاشىلىعى سالاسىن  دامىتۋ

ءۇشىنشى باعىتى – ەنەرگيا كوزىن پايدالانۋدا ونى ۇنەمدەۋ جانە ەنەرگيانىى ءتيىمدى تۇتىنۋدى ارتتىرۋ

ءتورتىنشى باعىتى – ەلەكتر ەنەرگەتيكاسىن دامىتۋ

بەسىنشى باعىتى – ءارتۇرلى وندىرىستەن قوردالانىپ، جينالىپ قالعان قالدىقتى جويۋ

التىنشى باعىتى –  ۋلى گاز قوسىندىلارىنان جانە ءارتۇرلى قالدىقتاردان، لاستانىپ بارا جاتقان اۋانى تازارتۋ

جەتىنشى باعىتى – اتالعان سالانى ءتيىمدى باسقارۋ

شىندىعىندا ءسوز ەتىلگەن مىندەتتەردىڭ بارلىعى ءتيىمدى باسقارىلماسا، وندا ەڭبەك زايا كەتەدى. ءبىراق مەملەكەت الدىنا مىندەت قويىپ وتىرعان سوڭ، ول ءسوزسىز ورىندالادى دەپ ويلايمىز. تۇجىرىمداماداعى 3 كەزەڭ 7 مىندەتتىڭ ءتۇيىنى وسى. ەگەر اتالعان باعىت بويىنشا جاسالىناتىن مىندەتتەر ۋاقىتىلى ءارى تياناقتى ورىندالاتىن بولسا، قازاقستان مەملەكەتى مەن حالقى بۇدان وراسان زور پايدا كورەدى. «جاسىل ەكونوميكا» باعدارلاماسى ەلدىڭ جالپى ىشكى ءونىمىن ارتتىرىپ، حالىقتىڭ تابىسىن كوبەيتەدى. سونىمەن قاتار، ەكولوگيالىق تۇرعىدان اۋا تازارادى. قۋات كوزدەرىنە شىعىن ازايادى. قىسقاسى، «جاسىل ەكونوميكا» ءال-اۋقاتىمىزدى كوتەرەدى.