قاسىم-جومارت توقايەۆتىڭ جارلىعىمەن بەيبىت وكسىكباي ۇلى يسابايەۆ قازاقستان رەسپۋبليكاسى پرەزيدەنتىنىڭ قازاقستان رەسپۋبليكاسى پارلامەنتىندەگى وكىلدىگىنىڭ باسشىسى قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى اقوردا سايتىنا سىلتەمە جاساپ.
مەملەكەت باسشىسىنىڭ وكىمىمەن قايرات ايتمۇحامبەت ۇلى نۇرپەيىسوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتىنىڭ قازاقستان رەسپۋبليكاسى پارلامەنتىندەگى وكىلدىگىنىڭ باسشىسى قىزمەتىنەن بوساتىلدى.
بەيبىت وكسىكباي ۇلى يسابايەۆ قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى.
يسابايەۆ بەيبىت 1962 جىلى 4 جەلتوقساندا الماتى وبلىسى باقاناس اۋىلىندا تۋعان.
1985 جىلى كيروۆ اتىنداعى قازاق مەملەكەتتىك ۋنيۆەرسيتەتىن جۋرناليست ماماندىعى بويىنشا ءبىتىردى. 1999 جىلى ق ر ءسىم ديپلوماتيالىق اكادەمياسىن (حالىقارالىق قاتىناستار مامانى) بىتىرگەن.
پىكىر قالدىرۋ