مۇحات قۇل-مۇحاممەد تانىمال ەستافەتانى پرەزيدەنتتىڭ باسپا ءسوز حاتشىسى بەرىك ۋاليدەن قاابىلداپ الىپ، جالعاستىردى دەپ جازادى Qamshy.kz اقپارات اگەنتتىگى.
"جاقىندا اباي اتامىزدىڭ ولەڭدەرىن وقۋ ەستافەتاسىن بەلگىلى عالىم، قوعام قايراتكەرى، ق ر پارلامەنتى سەناتىنىڭ دەپۋتاتى، كوميتەت ءتوراعاسى مۇحتار قۇل-مۇحاممەد مىرزاعا جولداعان ەدىم. ول كىسى قابىل الىپ، ەستافەتاعا ءوزىنىڭ ءۇنىن قوسىپتى. قۋانىپ قالدىم. سول سەبەپتى ءوز پاراقشامدا ءبولىسۋدى ءجون كوردىم.
مۇحتار ابرار ۇلى مىرزا ۇلى اقىننىڭ «كوك تۇمان – الدىڭداعى كەلەر زامان» ولەڭىن وقىپ، «مەن» مەن «مەنىكىنىڭ» ءمانىن جەتكىزىپتى.
ابايدى تانۋ ءداستۇرىن دوستارى رەسەيدىڭ مەملەكەت قايراتكەرى، كەزىندە مادەنيەت ءمينيسترى بولعان م.ە.شۆىدكويعا، ازەربايجاننىڭ رەسەيدەگى ەلشىسى، ايگىلى انشى-كومپوزيتورى، ۇزاق جىلدار مادەنيت ءمينيسترى بولعان پولاد بۇلبۇلوعلىعا، جاپونيانىڭ ءبىلىم، مادەنيەت، سپورت، عىلىم جانە تەxنولوگيالار ءمينيسترى قىزمەتىن اتقارعان تاكەو كاۆامۋراعا جانە يوردانيانىڭ مادەنيەت ءمينيسترى بولعان نەنسي باكير xانىمدارعا جولداپتى.
ءسويتىپ، ادامزاتتىڭ ابايىنىڭ جىرلارى عالامدى شارلاپ كەتتى.
يگى باستامانى بولىسەم دەيتىن دوستار بولسا، مارحابات!" - دەپ جازدى بەرىك ءۋالي ءوزىنىڭ جەلىدەگى پاراقشاسىندا.
پىكىر قالدىرۋ