بۇگىنگى تاڭدا  اۋىل شارۋاشىلىعىنىڭ قارقىندى دامىپ كەلە جاتقان سالالارىنىڭ ءبىرى قۇس شارۋاشىلىعىمەن اينالىسۋ.  از ۋاقىتتا ءونىمنىڭ ءوندىرىلۋى  نارىق سۇرانىسىنا باعىت-باعدار ۇستاۋعا جول اشادى.

«كەتپەن شاۋىپ ولگەم جوق، كەمتارشىلىق كورگەم جوق» دەگەن ءسوزدىڭ توركىنى  ادام بالاسى قانداي قيىنشىلىققا تاپ بولسا دا ەش مويىماي العا ۇمتىلسا عانا دىتتەگەن ماقساتىنا جەتە الادى .ەرىنبەي ەڭبەك ەتكەننىڭ  ءبۇيiءرى تولىپ، نەسiبەسى ارتادى.

جامبىل وبلىسى سارىسۋ اۋدانىندا دا  اۋلا ىشىنەن-اق، تىرلىك ەتىپ، وتباسىنىڭ كەرەگىن قامتىپ قانا قويماي، تابىس كوزىنە اينالدىرىپ وتىرعان ىسكەر جاندار قانشاما؟

وسىلاي شارۋاسىن دوڭگەلەنتىپ وتىرعان كاسىپ يەسىنىڭ ءبىرى – سارىسۋ اۋدانى توعىزكەنت اۋىلدىق وكرۋگىنە قاراستى ءابىلدا اۋىلىنىڭ تۇرعىنى مالىك مىڭبايەۆ.

مالىكتىڭ ۇيىنە جاقىنداعان ساتتەن  قۇستاردىڭ دىبىسى ەستىلەدى. «بۇل داۋىستار جانىمدى جادىراتادى»، –دەگەن قۇس ءوسىرۋشى تاڭمەن تالاسا تۇرىپ، تىنباي ەڭبەك ەتىپ كەلەدى.

تاجىريبە دەگەنىڭ ءومىر عوي، وسى تاۋىقتى اسىراۋدا كوپتەگەن كەدەرگىگە  تاپ بولسا دا، سۇراي ءجۇرىپ، قىر-سىرىن مەڭگەرىپتى.

قۇس شارۋاشىلىعىنان ءناپاقاسىن تاپقان  مالىك مىڭبايەۆ   3 جىلدام استام ۋاقىتتان بەرى وسى كاسىپتى جانىنا ءناسىپ ەتىپتى. اسىراپ وتىرعان تاۋىعىنىڭ جۇمىرتقاسىن ساتىلىمعا شىعارىپ كەلەدى.

ء-وزiنە قاجەتتi تاماعىن دالادان تاباتىن تاۋىقتىڭ ءبىر پايداسى  شەگiرتكەنiڭ جاۋى.  ەگىستىككە شەگىرتكە جولامايدى. وتباسىنداعىلار كۇندەلiكتi تاماققا جۇمىرتقانى ءۇي تاۋىعىنان قولدانادى.  اقيقاتىندا  ەڭبەك ادامدى جوقشىلىقتان قۇتقارىپ، شارۋاعا بەيىمدەيدى.  «ەڭبەك ەتسەڭ ەرىنبەي تويادى قارنىڭ تىلەنبەي» دەپ اباي اتامىز ايتقانداي،  كوزiن تاپقانعا تاۋىق تا تابىس كوزi.

بۇل شارۋانىڭ  قيىنى بالاپان اشىپ شىققان سوڭ،- دەيدى كەيىپكەرىمىز.  ول ەڭ ءبىرىنشى قۇستارىن كورىپ، جاعدايىن قاراماسا كوڭىل كونشىمەيتىندىگىن ايتىپ اعىنان جارىلدى.

راسىندا   تاۋىق جۇمىرتقاسىنا دەگەن  سۇرانىس بۇگىندە  جوعارى. ويتكەنى، كىم بولسا دا حيميكاتتالعان استان گورى، تازا، سەنىمدى، ساپالى ءونىمدى قولدانعىسى كەلەدى.

كۇندەلىكتى ءۇي شىعىنىن دا وتەۋگە جارايتىن تابىس ءتۇرىن مۇنان ءارى دامىتىپ، ۇلكەن تىرشىلىككە اينالدىرۋدى جوسپارلاعان مالىكتىڭ سوزدەرىنەن بۇل ىسكە دەگەن قىزىعۋشىلىعىن بايقادىق.

قىرىقتان استام تاۋىق اسىراپ وتىرعان اعامىز وتكەن جىلى 70، اعىمداعى جىلى 100 بالاپانعا دەيىن شىعارىپ، جىلدان جىلعا كورسەتكىش ارتا تۇسۋدە دەيدى. 

اتالمىش كاسىپتى كەڭەيتىپ، تاۋىق ەتىن ساتىلىمعا شىعارۋدى جوسپارلاعان كاسىپكەردىڭ ىسىنە بەرەكە، ساتتىلىك تىلەدىك.

داريحا ۇمبەتياروۆا