جامبىل وبلىسى مويىنقۇم اۋدانىنىڭ اۋماعىندا جول-كولىك وقيعاسى سالدارىنان قازا تاپقان پوليسەيلەردىڭ ەسىمى بەلگىلى بولدى، — دەپ حابارلايدى Qamshy.kz اقپارات اگەنتتىگى Tarazy.kz سايتىنىڭ دەرەگىن نەگىزگە الىپ.
«ءوز مىندەتەرىن ادال اتقارىپ، قىزمەت بابىندا قازا بولعان پوليسيا مايورى سايات قوسداۋلەت ۇلى تلەۋبەردييەۆكە جانە پوليسيا اعا سەرجانتى مۇرات بازارقۇل ۇلى بازارقۇلوۆقا اسكەري قۇرمەت كورسەتىلدى. مويىنقۇم اپب عيماراتىنىڭ الدىندا قىزمەت بابىندا قازا بولعان ميليسيا كاپيتانى ب.امانتايەۆتىڭ قۇرمەتىنە ورناتىلعان «مىندەت، ابىروي، ەرلىك» ەسكەرتكىشىنىڭ الدىندا اپب جەكە قۇرامى ساپقا ءتۇزىلىپ، ءبىر مينۋت ۇنسىزدىكتەن سوڭ قۇرمەت ساليۋتى ءۇش دۇركىن اتىلىپ، ارىپتەستەرىمىزدى سوڭعى ساپارعا شىعارىپ سالدىق. جاتقان جەرى يماندى، توپىراعى تورقاۋ بولسىن!»، — دەلىنگەن مويىنقۇم پوليسياسىنىڭ Instagram جەلىسىندەگى پاراقشاسىندا.
جامبىل وبلىستىق پوليسيا دەپارتامەنتى باسپا ءسوز قىزمەتىنىڭ جەتەكشىسى گۇلسارا مۇحتارقۇلوۆا جوعارىدا كورسەتىلگەن ازاماتتاردىڭ مويىنقۇم اۋداندىق پوليسيا بولىمشەسىنىڭ قىزمەتكەرلەرى بولعانىن جانە 13 شىلدەدە جۇمىس بابىندا ءجۇرىپ جول اپاتىنان قازا تاپقانىن راستادى.
ايتا كەتەيىك، 13 شىلدەدە جامبىل وبلىسى مويىنقۇم اۋدانى اۋماعىندا SsanYong ماركالى اۆتوكولىك اۋدارىلىپ، سالدارىنان مويىنقۇم اۋداندىق پوليسيا ءبولىمىنىڭ ەكى قىزمەتكەرى جانە ءبىر وزبەكستان رەسپۋبليكاسىنىڭ ازاماتى قازا تاپتى.
كەيىنىرەك، جەلىدە پوليسەيلەر قازا تاپقان جول اپاتى بولعان جەردە تۇسىرىلگەن سۋرەتتەر پايدا بولدى.
وسى ءىس بويىنشا سوتالدى تەرگەۋ شارالارى ق ر قك-نىڭ 345-بابى 4-بولىگى («كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى») بويىنشا ءجۇرىپ جاتىر.
پىكىر قالدىرۋ