قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ اشارشىلىق پەن ۇجىمداستىرۋ كەزەڭدەرى تۋرالى ءوز ويىن ءبىلدىردى دەپ حابارلايدى Qamshy.kz اقپارات اگەنتتىگى.
اشارشىلىقتا قازا بولعانداردىڭ سانى جاعىنان قازاقتار ەڭ كوپ زارداپ شەكتى. ءتىپتى شامامەن ەكى جارىم ميلليون ادام قايتىس بولدى،– دەدى پرەزيدەنت.
"بۇل تاقىرىپ ءقازىر كوتەرىلىپ جاتىر. الايدا ەشقانداي ساياسي استار جوق. دراماعا اينالدىرۋ، قىسىم جاساۋ، اسىرەسە، ورىستارعا قارسى ارەكەتتەردىڭ دە جوق ەكەنىن اتاپ ايتقىم كەلەدى. ويتكەنى ۇجىمداستىرۋ كەزىندە قازاق حالقىنىڭ، ءتىپتى بيلىكتەگى ورىستاردىڭ دا تۇك قاتىسى بولماعان"، - دەدى توقايەۆ.
اكەسى كەمەل سول كەزەڭدەردە جەتىم قالعان. الايدا ءستاليننىڭ سوعىس كەزىندە حالىقتى جەڭىسكە جەتكىزگەنى ءۇشىن ريزا بولعان.
"مەن ءۇشىن ستالين، ارينە، ءىرى تاريحي تۇلعا. ءبىراق كەز كەلگەن تاريحي تۇلعا رەتىندە ءستاليننىڭ قاراما-قايشى جاقتارى كوپ. جاپپاي رەپرەسسيانى، سونىڭ ىشىندە قازاقستان جەرىندەگى قۋعىن-سۇرگىندى كەشىرۋ مۇمكىن ەمەس. سول كەزدە قازاق ينتەلليگەنسياسىنىڭ ءبىرازى ستاليندىك جۇيە كەسىرىنەن تۇرمەدە جازىقسىز قازا تاپتى. ەكىنشى جاعىنان، اكەممەن دە كەلىسەمىن. ەل باسىنا كۇن تۋعان كەزدە كەڭەس وداعىن باسقارىپ، ەلدى جەڭىسكە جەتكىزدى"، - دەدى پرەزيدەنت.
پىكىر قالدىرۋ