قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ اتىنا استانا كۇنىنە جانە تۋعان كۇنىنە وراي كەلىپ تۇسكەن حاتتار مەن جەدەلحاتتارعا جاۋاپ قايتارىپ، ريزاشىلىعىن ءبىلدىردى دەپ جازادى Qamshy.kz اقپارات اگەنتتىگى ەlbasy.kz سايتىنا سىلتەمە جاساپ.
نۇرسۇلتان نازاربايەۆتىڭ اتىنا شەتەل مەملەكەتتەرى مەن ۇكىمەتتەرى باسشىلارىنان، حالىقارالىق ۇيىمداردىڭ جەتەكشىلەرىنەن، ديپلوماتيالىق كورپۋس جانە زيالى قاۋىم وكىلدەرىنەن، ءدىني بىرلەستىكتەردىڭ كوشباسشىلارىنان، مەملەكەتتىك ورگاندار مەن كوممەرسيالىق كاسىپورىنداردىڭ باسشىلارىنان، سونداي-اق، كوپتەگەن قازاقستاندىقتار مەن شەتەل ازاماتتارىنان كەڭ اۋقىمدى حاتتار كەلىپ ءتۇستى.
شەتەل مەملەكەتتەرى مەن ۇكىمەتتەرىنىڭ جەدەلحاتتارىندا ەلباسىنىڭ وداقتاستىق جانە ستراتەگيالىق سەرىكتەستىك قاتىناستاردى دامىتۋ ىسىنە سىڭىرگەن ەڭبەگى، سونداي-اق بۇكىل قۇرلىقتا تاتۋ كورشىلىكتى، تۇراقتىلىق پەن قاۋىپسىزدىكتى قامتاماسىز ەتۋگە قوسقان ۇلەسى ەرەكشە اتاپ كورسەتىلەدى. مۇنداي جەدەلحاتتار رەسەي فەدەراسياسىنىڭ پرەزيدەنتى ۆلاديمير پۋتيننەن، جۇڭگو حالىق رەسپۋبليكاسىنىڭ ءتوراعاسى سي سزينپيننەن، وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆتەن، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆتەن، تاجىكستان رەسپۋبليكاسىنىڭ پرەزيدەنتى ەمومالي راحموننان، بەلارۋس رەسپۋبليكاسىنىڭ پرەزيدەنتى الەكساندر لۋكوشەنكودان، ازەربايجان رەسپۋبليكاسىنىڭ پرەزيدەنتى يلحام الييەۆتەن، تۇرىكمەنستان پرەزيدەنتى گۋربانگۋلى بەردىمۇحامەدوۆتەن، ارمەنيا رەسپۋبليكاسىنىڭ پرەزيدەنتى ارمەن ساركيسياننان، سەربيا رەسپۋبليكاسىنىڭ پرەزيدەنتى الەكساندر ۆۋچيچتەن، مولدوۆا رەسپۋبليكاسىنىڭ پرەزيدەنتى يگور دودوننان، كورەيا رەسپۋبليكاسىنىڭ پرەزيدەنتى مۋن چجە يننان، رەسەي فەدەراسياسىنىڭ پرەمەر-مينيسترى دميتريي مەدۆەديەۆتەن، ارمەنيا پرەمەر-مينيسترى نيكول پاشينياننان كەلدى. شەتەل مەملەكەتتەرى جانە ۇكىمەتتەرى باسشىلارى نۇرسۇلتان نازاربايەۆتى تۋعان كۇنىمەن قۇتتىقتاپ، ونىڭ ەلوردانى جانە بۇكىل قازاقستاندى قارقىندى دامىتۋ ىسىندەگى باعا جەتپەس رولىنە توقتالدى.
نۇرسۇلتان نازاربايەۆتىڭ حالىقارالىق ارەناداعى قىزمەتىنە مەملەكەتارالىق جانە شەتەلدىك ۇيىمدار مەن قۇرىلىمداردىڭ باسشىلارىنان استانا كۇنىنە جانە تۋعان كۇنىنە وراي كەلگەن قۇتتىقتاۋ حاتتاردا دا جوعارى باعا بەرىلگەن. سولاردىڭ قاتارىندا ەۋرازيالىق ەكونوميكالىق كوميسسيا القاسىنىڭ ءتوراعاسى ت.ساركيسيان، تمد اتقارۋشى حاتشىسى – اتقارۋ كوميتەتىنىڭ ءتوراعاسى س.لەبەديەۆ، ۇجىمدىق قاۋىپسىزدىك تۋرالى شارت ۇيىمى باس حاتشىسىنىڭ مىندەتىن اتقارۋشى ۆ.سەمەريكوۆ، مەملەكەتارالىق اۆياسيالىق كوميتەت ءتوراعاسى ت.انودينا بار.
رەسەي فەدەراسياسىنىڭ، الىس-جاقىن شەت ەلدەردىڭ مەملەكەت جانە قوعام قايراتكەرلەرىنەن دە ىزگى تىلەككە تولى كوپتەگەن قۇتتىقتاۋ حات كەلىپ ءتۇستى. قازاقستاننىڭ تۇڭعىش پرەزيدەنتىنىڭ قازاقستان مەملەكەتتىلىگىن قالىپتاستىرۋ جانە دامىتۋ ىسىندەگى تاريحي ءرولىن ءوز حاتتارىندا تاتارستان رەسپۋبليكاسىنىڭ پرەزيدەنتى ر.ميننيحانوۆ، رەسەي فەدەرالدىق جينالىسى فەدەراسيا كەڭەسىنىڭ ءتوراعاسى ۆ.ماتۆيەنكو، رەسەي فەدەرالدىق جينالىسى مەملەكەتتىك دۋماسىنىڭ دەپۋتاتى ۆ.رەسين، ساراتوۆ وبلىسىنىڭ گۋبەرناتورى ۆ.رادايەۆ، بايقوڭىر قالاسى اكىمشىلىگىنىڭ باسشىسى ك.بۋسىگين، باشقۇرتستان رەسپۋبليكاسى باسشىسىنىڭ مىندەتىن ۋاقىتشا اتقارۋشى ر.حابيروۆ، ورىنبور وبلىسى گۋبەرناتورىنىڭ مىندەتىن ۋاقىتشا اتقارۋشى د.پاسلەر، تاتارستاننىڭ تۇڭعىش پرەزيدەنتى م.شايمييەۆ، حورۆاتيانىڭ بۇرىنعى پرەزيدەنتى س.مەسيچ، ەۋرازيالىق ەكونوميكالىق قوعامداستىقتىڭ بۇرىنعى باس حاتشىسى ت.مانسۇروۆ، ۋكراينانىڭ بۇرىنعى پرەزيدەنتى ل.كۋچما، كامەنسكوە قالاسىنىڭ باسشىسى ا.بەلوۋسوۆ، گاگاۋزيا اۆتونومدى اۋماقتىق قۇرىلىمنىڭ باسشىسى ي.ۆلاح، كاسىپوداقتاردىڭ جالپىعا ورتاق كونفەدەراسياسىنىڭ باس حاتشىسى ۆ.ششەرباكوۆ، «مير» مەملەكەتارالىق تەلەراديو كومپانياسىنىڭ باسشىسى ر.باتىرشين، «تاسس» اقپارات اگەنتتىگىنىڭ باس ديرەكتورى س.ميحايلوۆ، رەسەي فەدەراسياسىنىڭ ەڭبەك سىڭىرگەن ءارتىسى ا.سوي اتاپ ءوتتى.
نۇرسۇلتان نازاربايەۆتىڭ اتىنا قازاقستاندىق جانە شەتەلدىك ىسكەر توپتار وكىلدەرىنەن جولدانعان قۇتتىقتاۋ حاتتاردا ايتۋلى ەكونوميكالىق جەتىستىكتەر عانا ەمەس، سونىمەن بىرگە وڭ وزگەرىستەر جولىندا قازاقستان حالقىن جۇمىلدىرىپ، قوعامدىق كەلىسىمگە نەگىزدەلە جۇرگىزىلگەن ءتيىمدى ساياسات تۋرالى ايتىلعان. ەلباسىنىڭ تۋعان كۇنىنە جانە استانا كۇنىنە بايلانىستى ءوز قۇتتىقتاۋلارىن «ERG» كومپانياسىنىڭ قۇرىلتايشىلارى ا.ماشكيەۆيچ، پ.شودييەۆ جانە ا.يبراگيموۆ، «Kegoc» اق باسقارماسىنىڭ ءتوراعاسى ب.قاجييەۆ، «KazzincHoldings» ءجشس-ى ديرەكتورلار كەڭەسىنىڭ ءتوراعاسى ن.پوپوۆيچ، «MabetexGroup» كومپانياسىنىڭ پرەزيدەنتى ا.پاكوللي، «ArcelorMittal» اق باس ديرەكتورى پ.كالون، «AccessIndustriesCIS» كومپانياسىنىڭ باسشىلارى ل.بلاۆاتنيك، س.كارپۋحوۆيچ، «ارەتي» حالىقارالىق كومپانيالار توبىنىڭ پرەزيدەنتى ي.ماكاروۆ، «گازپروم» جاق باسقارماسىنىڭ ءتوراعاسى ا.ميللەر، «گازپروم نەفت» جاق باسقارماسىنىڭ ءتوراعاسى ا.ديۋكوۆ، «روساتوم» مەملەكەتتىك كورپوراسياسىنىڭ باس ديرەكتورى ا.ليحاچيەۆ، «سبەربانك» جاق باسقارماسىنىڭ ءتوراعاسى گ.گرەف، «بانك ۆتب» جاق باسقارماسىنىڭ ءتوراعاسى ا.كوستين، «روسنەفت» كومپانياسىنىڭ بۇرىنعى باسشىسى س.ۆاينشتوك، «روسنانو» اق باسشىسى ا.چۋبايس جولدادى.
«ەني» كومپانياسىنىڭ باس اتقارۋشى ديرەكتورى كلاۋديو دەسكالسي ءوزىنىڭ قۇتتىقتاۋ حاتىندا: «بۇل – قازاقستان رەسپۋبليكاسى ءۇشىن ەرەكشە كۇن. ءسىز ءوزىڭىزدىڭ بۇكىل كاسىبي ءومىرىڭىزدى ءوز ەلىڭىزگە قىزمەت ەتۋگە ارنادىڭىز. ءسىزدىڭ كوشباسشىلىعىڭىزدىڭ جانە كورەگەندىگىڭىزدىڭ ارقاسىندا قازاقستان ەكونوميكالىق ءوسىمنىڭ جاڭا جولدارىن تابۋ جانە حالىقارالىق تۇرعىدان تانىلۋ ىسىندە زور جەتىستىككە جەتتى»، – دەپ جازعان.
ەلباسىنىڭ اتىنا جولدانعان كوپتەگەن قۇتتىقتاۋلار ەلىمىزدەگى ورتالىق مەملەكەتتىك ورگانداردىڭ باسشىلارىنان، وبلىستاردىڭ اكىمدەرىنەن، دەپۋتاتتىق جانە ديپلوماتيالىق كورپۋس وكىلدەرىنەن، ۇلتتىق كومپانيالار مەن باسقا دا مەملەكەتتىك مەكەمەلەردىڭ، كاسىپورىندار مەن ۇيىمداردىڭ باسشىلارىنان كەلىپ ءتۇستى.
«حالىق قاھارمانى»، ارميا گەنەرالى، «قارۋلى كۇشتەردىڭ ارداگەرلەرى» رەسپۋبليكالىق قوعامدىق بىرلەستىگى ورتالىق كەڭەسىنىڭ ءتوراعاسى م.التىنبايەۆ ءوزىنىڭ قۇتتىقتاۋ جەدەلحاتىندا ەلباسىنىڭ قازاقستاندى جانە حالقىمىزدى الەۋمەتتىك-ەكونوميكالىق تۇرعىدا دايەكتى دامىتۋ ىسىنە سىڭىرگەن ەڭبەگىن ەرەكشە اتاپ وتكەن.
نۇرسۇلتان نازاربايەۆتىڭ تۋعان كۇنىنە جانە استانا كۇنىنە وراي باس ءمۇفتي سەرىكباي قاجى ورازدان، قازاقستانداعى پراۆوسلاۆ شىركەۋىنىڭ باسشىسى ءارى استانا جانە قازاقستان ءميتروپوليتى الەكساندردان، ورال جانە اقتوبە ارحيەپيسكوپى انتونييدەن قۇتتىقتاۋ حاتتار كەلدى.
«ءسىزدى قازاقستاندا جانە بۇكىل الەمدە ءومىرىن وتانىنا قىزمەت ەتۋگە ارناعان دانا ساياساتكەر جانە اسا كورنەكتى مەملەكەت قايراتكەرى رەتىندە بىلەدى. رەسپۋبليكانىڭ ساياسي، ەكونوميكالىق جانە مادەني الەۋەتىنىڭ ارتۋى – ءسىزدىڭ ەرەن ەڭبەگىڭىزدىڭ جەمىسى. ءسىز كوپ جىل بويى ابىرويمەن ادال قىزمەت ەتتىڭىز.
ءسىز قازاقستان حالقىنىڭ شىنايى سۇيىسپەنشىلىگى مەن سەنىمىنە يە بولدىڭىز. حالىق ءسىزدى تولىق قولدايدى ءارى ءسىزدىڭ بەيبىت ءومىر مەن تۇراقتىلىقتى نىعايتۋعا، الەۋمەتتىك ينفراقۇرىلىمدى دامىتۋعا جانە قوعام ومىرىندەگى ءداستۇرلى رۋحاني-ادامگەرشىلىك قۇندىلىقتاردى ورنىقتىرۋعا باعىتتالعان ساياساتىڭىزدى جالعاستىرادى»، – دەلىنگەن ءميتروپوليتتىڭ جەدەلحاتىندا.
قۋاتتى قازاقستان قول جەتكىزگەن جەتىستىكتەردىڭ نۇرسۇلتان نازاربايەۆتىڭ ەسىمىمەن بايلانىستى ەكەندىگى ءبىلىم جانە عىلىم سالاسىنىڭ قايراتكەرلەرىنەن جانە مەكەمەلەرىنەن كەلگەن حاتتاردا ايتىلعان. سولاردىڭ ىشىندە اكادەميكتەر س.قيرابايەۆ پەن ءا.بەيسەنوۆا، قازاقستاننىڭ حالىق ءارتىسى، قازاق ۇلتتىق ونەر ۋنيۆەرسيتەتىنىڭ رەكتورى ا.مۇساقوجايەۆا، ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع.مۇتانوۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى ت.بالىقبايەۆ، قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى م.يباتوۆ، قازاقستان-امەريكاندىق ەركىن ۋنيۆەرسيتەتىنىڭ پرەزيدەنتى ە.مامبەتكازييەۆ، رەسەي جاراتىلىستانۋ اكادەمياسىنىڭ پروفەسسورى م.وتەۋبايەۆ بار.
ەلىمىزدىڭ جانە شەتەلدىڭ ازاماتتارىنان دا ىزگى تىلەككە تولى كوپتەگەن قۇتتىقتاۋ حاتتار كەلدى. اتاپ ايتقاندا، جىلى لەبىزدەرىن حاسانعالييەۆتەر وتباسى، باتىس قازاقستان وبلىسىنىڭ ەڭبەك ارداگەرلەرى جانە قازاقستان حالقى اسسامبلەياسىنىڭ مۇشەلەرى ج.اقباي، ا.باقتىگەرەيەۆا، ن.ەسقالييەۆ، س.كاچالو، ا.ەسەنعالييەۆ، د.ساراتوۆ، نۇر-سۇلتان قالاسىنىڭ تۇرعىندارى روگاليەۆتەر وتباسى، س.ەسىمباي، الماتى قالاسىنىڭ تۇرعىندارى ت.ابدىكەنوۆ، س.ۇسەنوۆ، شىمكەنت قالاسىنىڭ تۇرعىنى ب.بەكتۋرەيەۆ، تالدىقورعان قالاسىنىڭ تۇرعىندارى ۆ.بۋكوۆ، س.بولشاكوۆا، وسكەمەن قالاسىنىڭ تۇرعىنى و.ۆيدوۆا، مينسك قالاسىنىڭ تۇرعىنى ۆ.يۆانوۆسكيي، قازاقستاننىڭ مەنەدجمەنت، ەكونوميكا جانە بولجامداۋ ينستيتۋتىنىڭ ستۋدەنتى ا.ايتقوجينا جەتكىزگەن.
نۇرسۇلتان نازاربايەۆ ءوز اتىنا كەلىپ تۇسكەن حاتتارمەن تانىسىپ شىعىپ، بارلىق اۆتورلارعا جىلى لەبىزدەرى مەن قۇتتىقتاۋلارى ءۇشىن ريزاشىلىعىن بىلدىرەدى.
پىكىر قالدىرۋ