ارىستا ورىن العان اپاتتىڭ زاردابىن جويۋعا رەسەي اسكەريلەرى دە كومەكتەسەدى دەپ جازادى Qamshy.kz اقپارات اگەنتتىگى. وسى ماقساتتا رەسەيدەن ارنايى دەلەگاسيا كەلدى. ونىڭ قۇرامىنا جوعارى ساناتتى ينجەنەر-ساپەرلەر، رەسەي فەدەراسياسى قارۋلى كۇشتەرىنىڭ زىمىران- ارتيللەريالىق بولىمشە ماماندارى ەندى. ماماندار جاعدايدى ساراپتاپ، ءارى زالالسىزدىندىرۋ بارىسى جايىندا پىكىر ءبىلدىردى.
"بۇل جەرگە رەسەي دەلەگاسياسى قۇرامىندا جارىلىس سالدارىن جويۋ كەزىندە مينادان تازارتۋ ماسەلەلەرىندە كونسۋلتاسيالىق كومەك كورسەتۋ ءۇشىن كەلدىك.
ەلدى مەكەندەگى زالال اۋقىمى وسى ارسەنالدا قىزمەت وتكەرەتىن اسكەريلەردىڭ، ءورت ءسوندىرۋ ەسەپتوپتارىنىڭ ۋاقتىلى ارەكەت ەتۋىنىڭ ارقاسىندا وسىنداعى وق-دارىلەر مولشەرىمەن سالىستىرعاندا بارىنشا تومەن.
جارىلعىش زاتتار، وق-دارىلەر ساقتالاتىن جەردە جارىلىستار بولىپ تۇرادى، ودان ەشكىم ساقتاندىرىلماعان.
بىرىنشىدەن، قالا ماڭىنداعى ەلدى مەكەن تازا. وتە اۋقىمدى جۇمىس جۇرگىزىلگەن. شىن مانىندە، بۇل جەردە اۋا رايى تەمپەراتۋراسىنا قاراماستان، تىكەلەي جاعدايدا اۋقىمدى جۇمىس جۇرگىزىلگەن. سونداي-اق وسى جەردە قىزمەت وتكەرەتىن ادامدار جوعارى كاسىبي شەبەرلىكپەن وق-دارىلەردى ساقتاعان. وسىنىڭ ارقاسىندا ارسەنالدىڭ ەكىنشى الاڭى جارىلىسقا ۇشىراعان جوق. بۇل جەردە ساقتاۋدا تۇرعان وق-دارىلەر مولشەرىنە قاراعاندا، جارىلىس سالدارى وتە تومەن. بۇل جەردەگى جۇمىس ۇيىمداستىرۋ ماسەلەلەرىنەن باستاپ جەكە قۇرامنىڭ تىكەلەي ورىنداۋدى اياقتاۋمەن كاسىبي شەبەرلىكپەن ىستەلۋدە.
تيىسىنشە بۇگىن ەكسپەريمەنتتىك جارۋدى جۇرگىزدىك. وسى جۇمىسقا قازاقستان رەسپۋبليكاسى ينجەنەرلىك اسكەرلەرىنىڭ باستىعى باسشىلىق ەتتى. وسى جۇمىس ينجەنەرلىك اسكەرلەر ماماندارى ەسەپتەرىنىڭ دۇرىس ەكەنىن تاعى دا راستادى. ءبىز بۇل جەردە كورگەنىمىز، ءبىزدىڭ اقپاراتىمىز بويىنشا توتەنشە جاعداي ايماعى بولىپ تابىلاتىن قالانىڭ سىرتقى پەريمەترى بويىنشا تازارتۋدى جەكە قۇرام، ياعني ينجەنەرلىك اسكەرلەر ءتورت كۇندە جاساپ شىققان. ارينە، بۇل تەك كاسىبي شەبەر اسكەري قىزمەتشىلەردىڭ عانا قولىنان كەلەتىن اۋقىمدى جۇمىس"، - دەيدى الەكسەي زوتوۆ.
پىكىر قالدىرۋ