قىرعىز-تاجىك شەكاراسىندا قاقتىعىس بولدى، زارداپ شەككەندەر بار دەپ حابارلايدى Qamshy.kz اقپارات اگەنتتىگى sputniknews.kz سايتىنا سىلتەمە جاساپ. 

قىرعىزستاننىڭ مەملەكەتتىك شەكارا قىزمەتىنىڭ باسپا ءسوز قىزمەتىنىڭ مالىمەتىنشە، ۆورۋح (تاجىكستان) اۋىلىنىڭ تۇرعىندارى ەلدى مەكەنگە كىرەبەرىستە تۋتۇعىر ورناتقىسى كەلگەن، ال اك-ساي (قىرعىزستان) حالقى بۇعان قارسى بولعان. كيكىلجىڭ بارىسىندا تاراپتاردىڭ ءبىرى قارۋ قولدانىپتى. مەملەكەتتىك شەكارا قىزمەتى حابارلاعانداي، وق اتقاندار قاراپايىم تۇرعىندار بولۋى مۇمكىن، سەبەبى اڭشى مىلتىعى قولدانىلعان، دەپ حابارلايدى.

تاجىكستاننىڭ ۇلتتىق قاۋىپسىزدىك مەملەكەتتىك كوميتەتى شەكارا اسكەرىنىڭ دەرەكتەرى بويىنشا، ءبىر تاجىكستان ازاماتى قازا تاپقان، ۇشەۋىنە وق ءتيىپ، تاعى جەتەۋى ءارتۇرلى دەڭگەيدە جاراقات العان. قىرعىزستاننىڭ مەملەكەتتىك شەكارا قىزمەتى بۇدان بۇرىن حابارلاعانداي، تاجىكستانمەن شەكاراداعى اتىس سالدارىنان بەس ادام زارداپ شەككەن.

وقيعا ورنىندا تاجىكستان مەن قىرعىزستاننىڭ شەكارا ۆەدومستۆولارىنىڭ رەسمي وكىلدەرى، ەكى ەلدىڭ قارۋلى كۇشتەر جانە قۇقىق قورعاۋ ورگاندارىنىڭ قىزمەتكەرلەرى جۇمىس ىستەپ جاتىر.

قىرعىز-تاجىك شەكاراسىنداعى احۋال كۇردەلى، ءبىراق باقىلاۋدا، دەپ حابارلادى قىرعىزستاننىڭ مەملەكەتتىك شەكارا قىزمەتى. ءقازىر بيلىك وكىلدەرى حالىققا ءتۇسىندىرۋ جۇمىستارىن جۇرگىزىپ جاتىر.

قىرعىز-تاجىك شەكاراسىندا وقتا-تەكتە قوس مەملەكەت تۇرعىندارى اراسىندا قاقتىعىستار بولىپ تۇرادى. قاقتىعىستىڭ سەبەبى كوبىنەسە - مەجەلەنبەگەن اۋماقتار.