سيريادان ورالعان ءبىر توپ كەلىنشەك قازاقستاندىقتارعا ۇندەۋ جولدادى دەپ حابارلايدى Qamshy.kz اقپارات اگەنتتىگى ەۋرازيا ءبىرىنشى ارناسىنا سىلتەمە جاساپ.
سوعىستىڭ ورتاسىنان قاشىپ، ولار ەندى وزگە باۋىرلارىنىڭ جازىقسىز جاپا شەككەنىن قالاماي وتىر. ءبىرى جولداسىنان، ەندى بالاسىنان ايىرىلعان جاندار الدەكىمنىڭ ارباۋىنا ءتۇسىپ قالماۋلارىڭىزدى ەسكەرتەدى.
"ول جەردە سوعىس بولعان جوق، ول جەردە جاپپاي جويۋ بولدى"، - دەدى سيريادان كەلگەن وتانداستارىمىزدىڭ ءبىرى.
ەندى ءبىر كىسىنىڭ قىزى مەن نەمەرەلەرى كۇيەۋ بالانىڭ ارتىنان ەرىپ، سيريادان ءبىر-اق شىقتى. قىزى مەن نەمەرەلەرى 7 جىلدان كەيىن ەلگە قايتا ورالدى.
"ايتقان سوزدەرىن تىڭداسام، جايراپ جاتقان ادامداردىڭ ۇستىمەن جۇرگەن، كىشكەنتاي بالالارعا دەيىن"، - دەدى اشىنعان انا.
"جۋسان" ارنايى وپەراسياسىمەن ەلگە قايتقان تاعى ءبىر كەلىنشەك تۋعان جەردىڭ توپىراعىن باسىپ، قۋانىشتان جىلاپ الدىم دەدى. ال بىرگە كەتكەن جولداسىنان ءبىر حابار جوق.
پىكىر قالدىرۋ