سولتۇستىككورەيالىق شەكاراشىلار رەسەيلىك "سيانحايلين-8" سەينەرىن باسىپ العان. بورتىندا ەكيپاجدىڭ 17 مۇشەسى، ونىڭ ىشىندە وڭتۇستىك كورەيانىڭ ەكى ازاماتى بولعان دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.
بۇل تۋرالى ريا نوۆوستي اقپاراتتىق پورتالى جازدى.
كەمەگە يەلىك ەتۋشى كومپانيا ديرەكتورىنىڭ ورىنباسارى سەرگەي سەدلەر وقيعانىڭ 17 شىلدەدە بولعانىن ايتادى. كەمەنى باسىپ الۋعا باستى سەبەپ - "اسكەري كۇزەتىلەتىن ايماق" شەكاراسىنا زاڭسىز كىرۋ.
بۇل اۋماقتى كحدر جاعالاۋدان 50 تەڭىز ميل قاشىقتىقتا بەكىتىپ تاستاعان. ونىڭ ايتۋىنشا، سەينەر كۇندەلىكتى باعىتىمەن كەتىپ بارا جاتقان - رەسەيلىك پريمورەدە شايان اۋلاپ، زارۋبينودا قۇجاتتاردى راسىمدەپ، وڭتۇستىككورەيالىق سوكچوعا اپارا جاتقان.
كەمە يەسىنىڭ وكىلى ەكيپاجدى ەكىگە بولگەندەرىن ايتادى: كاپيتاندى، ەكى كومەكشىسىن جانە ەكى وڭتۇستىككورەيالىق مامانداردى قوناقۇيدە ۇستاپ وتىر، ال قالعانىن كايۋتادان شىعارمايدى ەكەن. كۇن سايىن جاۋاپ الىپ، باقىلاۋ جۇرگىزىلەدى، سونداي-اق كەمەدە سۋ مەن ازىق-تۇلىك تاۋسىلدى دەگەن ءقاۋىپ بارى دا ايتىلادى. رەسەيلىك ديپلوماتتار وسى ماسەلەنى شەشۋگە كىرىسكەن.
"ءبىزدىڭ ەلشىلىك جاعدايدى بىلەدى، ديپلوماتتار كىرىسىپ كەتتى. مەنىڭ بىلۋىمشە، ولار ەكيپاج مۇشەسىمەن كەزدەسكەن"، - دەدى رەسەي سىرتقى ىستەر مينيسترلىگىنىڭ ۆلاديۆوستوكتاعى وكىلى.
پىكىر قالدىرۋ