قىتايدىڭ حاربين قالاسىندا ەسكالاتورمەن تۇسپەك بولعان ايەل ادام اياقسىز قالدى. قايعىلى جاعدايدىڭ ۆيدەوسى جەلىدە تارادى دەپ حابارلايدى Qamshy.kz اقپارات اگەنتتىگى Stan.kz اقپارات اگەنتتىگىنە سىلتەمە جاساپ. 

وقىس جاعداي 20-شىلدە كۇنى جەرگىلىكتى ساۋدا ورتالىقتارىنىڭ بىرىندە بولدى. ۆيدەودان ايەل ءتۇسىپ بارا جاتقان كەزدە اياعىنىڭ ەسكالاتورعا قىسىلىپ قالعانىن كورۋگە بولادى. كەيىن وعان جانىنداعىلار كومەكتەسىپ، مەحانيكالىق باسپالداقتى جوندەۋگە تىرىسىپ باقتى.

جەرگىلىكتى باسىلىمداردىڭ مالىمەتىنشە، ەسكالاتور ايەلدىڭ وڭ اياعىن جاراقاتتاپ، سول اياعىن تىزەسىنەن تومەن جۇلىپ كەتكەن. زيان شەككەن ايەل شۇعىل تۇردە اۋرۋحاناعا جەتكىزىلىپ، وعان بىردەن وتا جاسالدى. 

ونىڭ تۋىستارى باستاپقىدا ەسكالاتوردىڭ جۇمىس ىستەپ تۇرعانىن، كەيىن عانا ىستەمەي قالعانىن ايتتى. الايدا وقيعانىڭ كۋاگەرلەرى باسپالداقتىڭ ىستەمەي تۇرعانىن، ءتىپتى، وعان باراتىن جولدىڭ جابىق بولعانىن ايتادى.