مەملەكەت باسشىسىنىڭ تاپسىرماسىن ورىنداۋ ماقساتىندا قۇقىق قورعاۋ ورگاندارى قىلمىس دەڭگەيىن تومەندەتۋ جانە ەلدەگى قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ جونىندە كەشەندى شارالار قابىلداۋدا دەپ حابارلايدى Qamshy.kz اقپارات اگەنتتىگى ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
وسى شارالار اياسىندا، بۇگىن، 29 شىلدەدە ۇلتتىق قاۋىپسىزدىك كوميتەتى، ىشكى ىستەر مينيسترلىگىمەن بىرلەسە وتىرىپ ماڭعىستاۋ وبلىسىندا ۇيىمداسقان قىلمىستىق توپ مۇشەلەرىنىڭ زاڭعا قارسى ارەكەتتەرىنىڭ جولىن كەسۋ بويىنشا اۋقىمدى ارنايى وپەراسيا باستادى.
ۇيىمداسقان قىلمىستىق توپ مۇشەلەرىنىڭ ءبىرقاتار اۋىر جانە اسا اۋىر قىلمىستاردى جاساۋعا، ونىڭ ىشىندە ادام ولتىرۋگە جانە ۇرلاۋعا، اقشا قاراجاتىن بوپسالاۋعا قاتىستارى بار.
بۇل توپتار قارۋلانعان، ۇيىمشىلدىعى جانە دورەكىلىگىمەن ەرەكشەلەنەدى.
تۇرعىنداردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ ماقساتىندا ارنايى وپەراسيا جۇرگىزۋگە ۇلتتىق قاۋىپسىزدىك جانە ىشكى ىستەر ورگاندارىنىڭ ارنايى جاساق كۇشتەرى مەن قۇرالدارى تارتىلدى.
ازاماتتاردى الەۋمەتتىك جەلىلەردە تاراۋى مۇمكىن ارانداتۋشىلىققا ەرمەۋگە جانە ۇرەيلەنبەۋگە، سونداي-اق زاڭسىز ارەكەتتەرگە بارماۋعا شاقىردى.
جاعداي قۇقىق قورعاۋ ورگاندارىنىڭ تولىق باقىلاۋىندا.
ارنايى وپەراسيانىڭ قورىتىندىسى جۇرتشىلىق نازارىنا جەتكىزىلەتىن بولادى.
پىكىر قالدىرۋ