بەلگىلى رەجيسسەر نۇرتاس ادامباي ءوزىنىڭ جەلىدەگى پاراقشاسىندا مەملەكەت باسشىسىنا ارناپ جازبا قالدىردى دەپ جازادى Qamshy.kz اقپارات اگەنتتىگى
"قاسىم—جومارت كەمەل ۇلى، ءسىز باسقارىپ وتىرعان مەملەكەتتىڭ ازاماتى رەتىندە وزىڭىزگە بىرەر اۋىز ءسوز ايتقالى وتىرمىن.
ىشكى ىستەر دەپارتامەنتىنە ىشكى ءتارتىپ كەرەك! ادامدار قانشا ۋاقىتتان بەرى پوليسيا قىزمەتكەرلەرىنە مۇلدە سەنبەيدى. بۇعان نەگىز دە جوق ەمەس.
تۇرمەدەگى قىزمەتكەرلەر تۇتقىندى بايلاپ تاستاپ قينايتىن كورىنەدى. سىپسىڭ ءسوز دەيىن دەسەك، تايعا تاڭبا باسقانداي ۆيدەو جەلىدە كەزىپ ءجۇر.
وسىنداي جازبالاردى كورىپ، ازامات رەتىندە، قولىندا بيلىگى بار ادام رەتىندە شارا قولداناتىنىڭىزعا سەنەمىن. مەملەكەت ازاماتى تۇرمەدە جاتسا دا، قيىندىق كورمەۋى ءتيىس. ولارعا دا قامقورلىق كەرەك. ادامشىلىق دەگەن بولادى.
ادام ءبىر رەت جازا باسسا، ونى قور قىلۋدىڭ قاجەتى شامالى. سونداي-اق، بىزدەگى سوت جۇيەسىنىڭ ادىلەتسىزدىگى ناتيجەسىندە قانشا جازىقسىز ادام تۇرمەدە وتىر. ءسىز مۇنى بىلەسىز.
نە سەبەپتى ءبىزدىڭ ەلىمىز الەمدەگى وزىق وركەنيەتتەن كەيىندەپ بارادى؟
نەگە ىشكى ىستەر ءمينيسترى كوپتەگەن شۋلى جاعدايلارعا بايلانىستى پىكىر بىلدىرمەيدى؟
نەگە كەي شەندىلەر قىلمىس جاساسا جۇمىسىن قۇربان ەتىپ قانا قۇتىلىپ ءجۇر؟"
پىكىر قالدىرۋ