ارىستىق بالالار «تۇلپار» تىنىعۋ لاگەرىندە ەكى اۋىسىم بويى دەمالادى. وبلىستىق ءبىلىم بەرۋ باسقارماسىنىڭ باس مامانى كاريما بوكەنوۆانىڭ ايتۋىنشا، جوسپارعا ساي ولاردى الدىمەن «حان وردالى سارايشىق» جانە تاريحي-ولكەتانۋ مۇراجايلارىنا اپارعان.
ماقسات، بالالاردى ولكە تاريحىمەن تانىستىرۋ. سونداي-اق، بۇلدىرشىندەردىڭ بويىنا اسكەري-پاتريوتتىق تاربيە ءسىڭىرۋ ءۇشىن، لاگەردەگى اسكەري كلۋبتار دا قارقىندى جۇمىس جۇرگىزۋدە. بۇدان بولەك، دەمالۋشىلاردى قالا تىنىسىمەن تانىستىرىپ، ءتۇرلى ويىن-ساۋىق ورتالىقتارىنا اپارۋ جوسپاردا بار. سونىمەن قاتار، اتىراۋلىق كاسىپكەرلەردىڭ قولداۋىمەن ارىستان كەلگەن بالالارعا سپورتتىق كيىمدەر مەن مەكتەپ قۇرالدارى جانە جازدىق جەيدەلەر تابىستالدى. سىيلىققا كەنەلگەن بوبەكتەردىڭ قۋانىشىندا شەك جوق. سولاردىڭ ءبىرى، ارىستىق شىڭعىس ساتتارحان:
- مەن مۇندا كەلگەنىمە 3 اپتا بولدى . سودان بەرى ءتۇرلى-تۇرلى سايىستارعا قاتىسىپ، كونسەرتتىك شارالار كورىپ جاتىرمىز. وعان قوسا، «سارايشىق» كونە قالاشىعىنا باردىق. ول جەر ماعان قاتتى ۇنادى. جالپى، ءبىزدىڭ كوڭىلىمىزدى كوتەرىپ بارلىق جاعداي جاساپ جاتىرعان اتىراۋ وبلىسىنىڭ تۇرعىندارىن جانە لاگەردەگى اپايلارىما كوپ راحمەت ايتامىن. سونداي-اق، بىزگە مەكتەپ قۇرالدارى مەن كيىم-كەشەك بەرىپ جاتىرعان كاسىپكەر اعا-اپالارىمىزعا ايتار العىسىمىز شەكسىز، - دەدى ول.
پىكىر قالدىرۋ