USD 519
EUR 542
RUB 5
USD 519
EUR 542
RUB 5
يران استاناسى تەگەراننىڭ بۇرىنعى مەرى ءالي ءنادجافيدى سوت ەكىنشى ايەلىن ءولتىردى دەپ تانىپ، ءولىم جازاسىنا كەستى دەپ حابارلايدى Qamshy.kz اقپارات اگەنتتىگى centralasian.org سايتىنا سىلتەمە جاساپ.
سوت وكىلى گولامحوسسەين ەسمايلي "سۋديا نادجافي ايەلىن قاساقانا ءولتىردى دەپ تانىپ، ءولىم جازاسىن ورىنداۋدى ۇكىم ەتتى" دەدى.
باسپا ءسوز قىزمەتىنىڭ مالىمدەۋىنشە، 67 جاستاعى نادجافي بۇعان قوسا "زاڭسىز قارۋ ساقتاعانى ءۇشىن" ەكى جىل تۇرمەگە كەسىلگەن. بۇرىنعى مەر جوعارعى سوتقا ۇكىم ۇستىنەن 20 كۇن ىشىندە شاعىم تۇسىرە الادى.
ءنادجافيدىڭ ايەلى ميترا وستادتىڭ دەنەسى بيىل 28 ماۋسىمدا تەگەراننىڭ سولتۇستىك-باتىسىنداعى ۇيىندە تابىلعان. بيلىك وكىلدەرى ءنادجافيدىڭ جانجالدان سوڭ ايەلىن ولتىرگەنىن مويىنداپ، پوليسياعا ءوز ەركىمەن بەرىلگەنىن ايتقان.
يسلام شاريعاتىن ۇستاناتىن يراندا كوپ ايەل الۋعا رۇقسات بەرىلگەن. نادجافي جاس قىزدار بيلەگەن راسىمگە قاتىسقانى ءۇشىن قارسىلاستارىنىڭ سىنىنا قالىپ، بىلتىر وتستاۆكاعا كەتكەن. بۇرىنعى مەر قىزمەتتەن "دەنساۋلىعىنا بايلانىستى" كەتكەنىن ايتقان.
پىكىر قالدىرۋ