ەندى بىرەر كۇندە ۇگىت-ناسيحات جۇمىستارى ءبىتىپ، حالىق ءوز تاڭداۋىن جاسايتىن بولادى. اقيقاتىن ايتار بولساق، ءبىر ايدان بەرى جۇرگىزىلىپ جاتقان ۇگىت-ناسيحات جۇمىستارىنىڭ كۇنى، مەرزىمى بىتۋگە تاياۋ. ايتا كەتۋ كەرەك، پرەزيدەنتتىك دودادا سىنعا تۇسكەن جەتى كانديداتتىڭ دا ەسىمى ەلگە تانىمال. ولاردى بەلگىسىز دەپ ايتۋعا كەلمەيدى. ۇگىت-ناسيحات جۇمىستارى سىلبىر جۇرگەن جوق. بارلىعى دا زاڭنىڭ اياسىندا ءوتتى. سونشالىقتى زاڭ بۇزۋشىلىعى بولعان جوق. بارلىعىن باس پروكۋراتۋرا ورىندارى مەن ءتيىستى ورىندار قاداعالاپ وتىردى. بۇقارالىق اقپارات قۇرالدارى دا جەتى كانديداتتى بولە جارعان جوق. ب ا ق بەتتەرىندە ولار جەتكىلىكتى دارەجەدە ءسوز الدى. ورتالىق سايلاۋ كوميسسياسى ولاردىڭ بارلىعىن رەتتەپ وتىردى. سونىمەن قاتار، اقپارات جانە دامۋ مينيسترىلىگى دە ب ا ق بەتتەرىندە جاريالانعان ماقالالارعا مونيتورينگ جاسادى. ورتالىق سايلاۋ كوميسسياسىنىڭ دەرەگىنە نازار اۋدارار بولساق، كانديداتتارعا قاتىستى ناۋقانعا رەسپۋبليكا بويىنشا 802 ب ا ق قامتىلدى. وسك اتاپ كورسەتكەندەي، ساياسي دوداعا قاتىسقان ۇمىتكەرلەر تۋرالى ءارتۇرلى بۇقارالىق اقپارات قۇرالدارىندا 16 مىڭنان استام ماتەريال جارىق كوردى.
ارينە، اتاپ وتەر ءبىر جايت، ۇگىت-ناسيحات ناۋقانى بەلگىلەنگەن تارتىپپەن، زاڭمەن جانە تالاپپەن جۇرەتىنى بەلگىلى. سوندىقتان ونىڭ قۇقىقتىق جاعىن ءتۇسىندىرۋ دە – باستى تالاپ. وسىعان وراي ب ا ق بەتتەرىندە بەس مىڭعا جۋىق ماقالا جارىق كوردى. سونىمەن قاتار رەسپۋبليكالىق جانە ايماقتىق تەلەارنالاردا 13 بەينەروليك كورسەتىلگەنىن ايتا كەتۋ قاجەت.
اقپارات جانە قوعامدىق دامۋ مينيسترلىگى دە ب ا ق بەتتەرىندە جارىق كورگەن ماقالالار مەن بەينوروليكتەردىڭ جارىق كورۋ زاڭدىلىعىن باقىلاپ، قاداعالاپ وتىردى. پرەزيدەنتتىككە كانديداتتاردى بولە جارۋ بولعان جوق. بارلىعىنا تەڭ قۇقىق بەرىلدى. رەسپۋبليكالىق تەلەارنالاردا دا ۇمىتكەرلەردى بەرۋ نەمەسە ولارعا ءسوز بەرۋ جانە جاريا ەتۋ تەڭ بولدى جاعدايدا ءوتتى. ورتاشا ەسەپپەن العاندا، ءاربىر ۇمىتكەردىڭ ۇلەسى شامامەن 14،3 پايىزدى قۇرادى. رەسپۋبليكالىق باسىلىمداردا 13 پايىزدان 17 پايىزعا دەيىن، ينتەرنەت سايتتاردا بۇل كورسەتكىش 13 پايىزدان 17 پايىزعا دەيىن جەتكەنىن ايتا كەتۋ قاجەت.
ەرتەڭ سايلاۋ الدىنداعى – «تىنىشتىق كۇنى». سوندىقتان بۇل كۇنى ەشكىم، ەشقانداي كانديدات، ءتىپتى حالىق تا ۇگىت-ناسيحات جۇمىستارىن جۇرگىزبەيدى. مۇنىڭ بارلىعىن وسك ماماندارى ارنايى تۇسىندىرگەن، سوندىقتان بۇل تالاپ پەن ەرەجەنى ەشكىم دە بۇزباۋى ءتيىس. بۇل جاعىنان العاندا قازىرگى ۋاقىتتا حالىق وتە ساۋاتتى ەكەنىن ايتا كەتكىمىز كەلەدى.
9 ماۋسىم قازاقستاننىڭ بولاشاعىن ايقىندايتىن تاعدىرشەشتى كۇن دەسەك، ارتىق ەمەس. سوندىقتان حالىق ءوز تاڭداۋىن جاسايدى دەپ سەنەمىز.
پىكىر قالدىرۋ