بۇگىن ماڭعىستاۋ وبلىسىنىڭ بەينەۋ اۋدانىنا قاراستى تاجەن اۋىلىندا «بەينەۋ-اقجىگىت-وزبەكستان رەسپۋبليكاسى» باعىتىنداعى رەسپۋبليكالىق ماڭىزى بار اۆتوكولىك جولىنىڭ اشىلۋ ءراسىمى ءوتتى. سالتاناتتى شاراعا قازاقستان رەسپۋبليكاسىنىڭ پرەمەر-مينيسترى اسقار مامين جانە وزبەكستان رەسپۋبليكاسىنىڭ پرەمەر-مينيسترى ابدۋللا اريپوۆ قاتىستى.
بۇل جاڭا جولمەن قازاقستاندىقتار وزبەكستان رەسپۋبليكاسى ارقىلى وزگە ەلدەرگە شىعا الاتىن بولادى. ورتالىق ازيا ەلدەرىنەن اقتاۋ جانە قۇرىق تەڭىز پورتتارى ارقىلى كاۆكاز ەلدەرى مەن ەۋروپا باعىتى بويىنشا ترانزيتتىك اۆتوموبيل اعىنى قالىپتاسادى.
جولدىڭ جالپى ۇزىندىعى 85 شاقىرىمدى قۇرايدى. قۇرىلىس جۇمىستارى 2017 جىلى باستالعان بولاتىن. نىسانعا بارلىعى 381 ادام، 155 بىرلىك تەحنيكا جۇمىلدىرىلعان.
پىكىر قالدىرۋ