اقتوبەدەگى بالالار لاگەرلەرىنىڭ بىرىنەن شۋ شىقتى. دەمالۋعا كەلگەن جەتى جەتكىنشەكتىڭ اتا-اناسى ءتارتىپ ساقشىلارىنا سونداعى تالىمگەردىڭ ازعىندىققا بارعانىن ايتىپ، شاعىمدانعان. ولاردىڭ سوزىنشە، 22 جاستاعى جىگىت ۇلداردىڭ ۇياتتى جەرىنەن ۇستاپ، تيىسەتىن كورىنەدى. دەمالىس ورنىنىڭ باسشىلارى بولسا، ونىڭ مۇنداي قىلىعىن بايقامادىق دەپ وتىر دەپ جازادى Qamshy.kz اقپارات اگەنتتىگى كتك تەلەارناسىنا سىلتەمە جاساپ.

اقتوبە ىرگەسىندەگى «اقبوبەك» لاگەرىنە دەمالۋعا كەتكەن ۇلىنىڭ قورلىق كورگەنىن ەستىگەن مىنا انا شالعايداعى اۋىلدان شۇعىل جەتىپتى. 22 جاستاعى تالىمگەردىڭ ۇياتتى قىلىعىن بالاسى جىلاپ تۇرىپ جايىپ سالعان.

"ول بىزبەن بىرگە دۋشقا كىرىپ، ءوزىنىڭ مۇشەسىن كورسەتتى. باسقالاردىڭ مۇشەسىن ۇستادى. تۇندە ۇيىقتاپ جاتقاندا كەلەدى دە، باسقا بالالاردىڭ تومەن جەرىن قىسادى. سوسىن ولار ويانىپ كەتەدى. ول ءبىزدى بوقتادى."،- دەيدى لاگەردەگى بالا.

تالىمگەردىڭ ازعىندىعىن ايتىپ سونداعى جەتى ۇلدىڭ اتا-اناسى ءتارتىپ ساقشىلارىنا شاعىم ءتۇسىرىپتى. بارلىعى دەرلىك بالالارىن دەمالىس ورنىنان بىردەن الىپ كەتكەن.

"سوندا ول مانياك قوي، اناۋىڭ تۇرعانىمەن. بالاعا تيىسكەن. 22 جاستا، ءوزى ءالى بالا، مىسالى. بالالارعا تيىسكەن، تومەنگى جاقتارىن ۇستاعان. ءوزىنىڭ تومەنگى جاعىن كورسەتكەن. دەنى دۇرىس ادام سويتە مە؟"،- دەيدى اشىنعان انا.

ال لاگەر باسشىلارىنىڭ وزدەرى بۇل وقيعاعا سەنەر ەمەس. سەبەبى دەمالىس ورنىنىڭ بارلىق جەرىنە بەينەكامەرا ورناتىلعان كورىنەدى. تالىمگەردىڭ ەرسى قىلىعىن بايقامادىق دەپ وتىر.

شامشىراق سايلاگييەۆا، «اقبوبەك» ج ش س ديرەكتورىنىڭ ورىنباسارى:

"پالاتالار بولسىن، اسحانا بولسىن، دۋش بولسىن، بارلىق جەردە بەينەكامەرالار بار. ول كامەرالار تاۋلىك بويى ىستەيدى. تاۋلىك بويى كۇزەت قىزمەتى بار. سوندىقتان ونداي وقيعا بولۋى مۇمكىن ەمەس."،- دەدى.

22 جاستاعى تالىمگەر ەلوردالىق ۋنيۆەرسيتەتتەردىڭ بىرىندە وقيدى ەكەن. ونى بىردەن لاگەردەگى جۇمىسىنان شىعارىپ جىبەرىپتى. ءقازىر تەرگەلىپ جاتىر.

جاسۇلان داۋلەمبايەۆ، الماتى اۋدانىنىڭ پروكۋرورى:

"قىلمىستىق ءىس جاس بالالاردى ازعىندىق جولعا ءتۇسىرۋ بويىنشا، ياعني قىلمىستىق كودەكستىڭ 124-بابى بويىنشا قوزعالدى. ءقازىر ءىستىڭ ءمان-جايى انىقتالۋدا."،- دەدى.

ءقازىر بۇل وقيعاعا بايلانىستى ءتارتىپ ساقشىلارىنىڭ تەرگەۋىنەن بولەك، وبلىستىق ءبىلىم باسقارماسى كوميسسيا قۇرعان. ونداعىلار لاگەردەگى تاربيەشىلەر مەن تالىمگەرلەردىڭ بىلىكتىلىگىن دە تەكسەرەتىن بولادى. ال «اقبوبەك» لاگەرى جۇمىس ىستەپ تۇر. ونداعىلار كەزەكتى ماۋسىمدى اشۋعا دايىندىق ۇستىندە.