سايلاۋدان سوڭ اۋرۋحاناعا ءتۇسىپ قالعان ق ر پرەزيدەنتتىگىنەن ۇمىتكەر بولعان ءامىرجان قوسانوۆ باق-تارعا سۇقبات بەرە باستادى دەپ حابارلايدى Qamshy.kz اقپارات اگەنتتىگى Zakon.kz سايتىنا سىلتەمە جاسااپ.

"سايلاۋ الدى،سايلاۋ كەزىندەگى ۇگىت-ناسيحات جۇمىستارىنا جۇمسالعان ەكى اي، شىنىن ايتايىن، مەن ءۇشىن وڭايعا سوققان جوق. سايلاۋدان سوڭ اۋرۋحانادان ءبىر-اق شىقتىم. دارىگەرلەر ۇيقى قانباعاندىقتان، كوڭىل-كۇيدىڭ قۇبىلمالى بولۋىنان، شامادان تىس جۇمىس ىستەپ قويعاندىقتان جۇيكەڭىز سىر بەرگەن دەدى. راسىندا، پرەزيدەنت سايلاۋىنا قاتىسۋ دەگەن وڭاي نارسە ەمەس. كوپ ەنەرگيا مەن جۇيكەنىڭ توزىمدىلىگىن تالاپ ەتەدى. ءقازىر ەندى عانا وز-وزىمە كەلىپ، ەس جيىپ جاتىرمىن. ەندى سايلاۋ ناتيجەسىن قورىتىندىلاپ، وعان ءوز باعامدى بەرۋگە دايىنمىن"، - دەيدى ول.

سونداي-اق ءوز سۇقباتىندا قوسانوۆ سايلاۋ قورىتىندىسى تولىق جاريالانىپ بولعانىنا قاراماستان پرەزيدەنت توقايەۆتى جەڭىسىمەن نەگە اسىعىس قۇتتىقتاعانىن دا ءتۇسىندىردى.

"شىنىمدى ايتايىن، سايلاۋ بولاتىن كۇنگە 10 كۇن قالعاندا رەسمي ەمەس ينسايدەرلىك اقپارات كوزدەرىنەن 9 ماۋسىمدا كوتەرىلىس جاساۋعا ارەكەت جاساپ جاتقان ادامدار بارى تۋرالى ءبىلدىم. ال 10 ماۋسىمدا سايلاۋدىڭ قورىتىندىسى جاريالاناتىن كۇن. ورتالىقتا، وڭىرلەردە بولاتىن پروۆوكاسيالىق اكسيالار تۋرالى ناقتى ءسوز شىقتى. ءابىلازوۆ پەن سونىڭ ادامدارى ۇيىمداستىرماق دەلىندى. ءتىپتى، سايلاۋ اياقتالعانعا دەيىن ءۇشىنشى تاراپتىڭ مەنىڭ كوزىمدى قۇرتۋ جوسپارى دا بولىپتى.

سوندىقتان 10 ماۋسىمدا ساعات 12-دە مەنىڭ جاساعان مالىمدەمەم ءسال كەشىككەندە ءبارى كەش بولار ما ەدى؟ ويتكەنى سول ءتۇنى ءبارى مەنىڭ اۋزىمدى باعىپ وتىردى.