بلوگەر ارشات وراز ءوزىنىڭ فەيسبۋكتاعى پاراقشاسىندا جوعارى ءبىلىمدى اقىلى قىلۋ كەرەك دەگەن باستاما كوتەردى.
"مەملەكەتتىك گرانت كوپ، ال ءبىلىم ساپاسى بار ما؟ ءبىلىم ءارقاشان ليۋكس نارسە بولۋى كەرەك. سوندا ونىڭ قۇنى، ءقادىرى بولادى. ال گرانتقا ءتۇسۋ ءالى دە ءجاي الەۋمەتتىك ستاتۋس عانا. تەگىن ءبىلىمنىڭ تەرىس تۇستارى كوپ. ەڭ الدىمەن بالاعا جانە اتا-اناسىنا سترەسس. سوسىن ءوز تاڭداۋى ەمەس، قايسىسى قولجەتىمدى سونى تاڭدايدى. ناتيجەسىندە ول بولىمدە بالا وقىعىسى كەلمەۋى مۇمكىن. ەگەر اقىلى ءبىلىم بولسا، بالا ىنتاسىمەن وقيدى، وقىتۋشىلاردىڭ ايلىعى دا جوعارى بولادى، ساپالى ماماندار شىعا باستايدى، ۋنيۆەرسيتەت سانى ازايىپ، تەك مىقتىلار قالادى.
جالپى قازىرگى ۋاقىتتا بالانى بۇرىنعىداي جوو-عا تۇسۋگە مىندەتتەمەۋ كەرەك. ءقازىر ناقتى ءبىر ماماندىقتى يگەرۋگە باعىتتاۋ كەرەك.
ديپلومدى، ساپاسىز مامانداردى كوبەيتكەنشە، قولىنان ءىس كەلەتىن جاستاردى كوبەيتۋ كەرەك.
سانانىڭ جاڭارۋىن، رۋحاني جاڭعىرۋ دەگەندەردى وسىلاي تۇسىنەمىن" دەپ جازدى بلوگەر.
پىكىر قالدىرۋ