اتامبايەۆتىڭ تەرگەۋ يزولياتورىنداعى سۋرەتى جەلىدە پايدا بولدى دەپ حابارلايدى Qamshy.kz اقپارات اگەنتتىگى 24.kg سايتىنا سىلتەمە جاساپ. 

سۋرەتتە قىرعىزستاننىڭ ەكس-پرەزيدەنتى تولىقتاي جانە ءپروفيلدى تۇردە تۇسىرىلگەن. المازبەك اتامبايەۆقا سىبايلاس جەمقورلىق ءىسى بويىنشا رەسمي ايىپ تاعىلعانى تۋرالى حابارلانعان. بۇل تۋرالى پورتالعا ونىڭ ادۆوكاتى سەرگەي سلەساريەۆ حابارلادى.

ونىڭ ايتۋىنشا، ىشكى ىستەر مينيسترلىگىنىڭ تەرگەۋشىسى ازيز باتۋكايەۆتى زاڭسىز بوساتقانى تۋرالى قىلمىستىق ءىس قوزعاعان.

"ايىپ نەگىزسىز تاعىلىپ وتىر. مەنىڭ قورعالۋشىمدى كۋاگەر رەتىندە شاقىرىپ، ءبىراق ءالى تەرگەمەگەن بولسا، قالايشا ايىپ نەگىزدى بولۋى مۇمكىن؟ وعان بىردەن كۇدىكتى رەتىندە حابارلاما بەرگەن. بۇل باسىنان جوسپارلانعان سەناريي عوي. بۇل ارەكەتتەر زاڭسىز، سەبەبى اتامبايەۆتا ەكس-باسشى رەتىندە تيىسپەۋشىلىك قۇقىعى بار"، - دەيدى سەرگەي سلەساريەۆ.

زاڭگەردىڭ سوزىنشە، اتامبايەۆقا باسقا دا ايىپتار تاعىلۋى مۇمكىن بە جوق پا، ءالى بەلگىسىز.