جاڭاوزەندە 17 جىلدان بەرى مارقۇم سانالىپ كەلگەن ايەل ءوزىنىڭ ءتىرى ەكەنىن دالەلدەي الماي الەك دەپ حابارلايدى Qamshy.kz اقپارات اگەنتتىگى lada.kz سايتىنا سىلتەمە جاساپ.
جاڭاوزەن قالالىق سوتى باسپا ءسوز قىزمەتىنىڭ مالىمدەۋىنشە، ايەلدىڭ ءوزى 2002 جىلى مارقۇمدار قاتارىنا قوسىلعانىن 2016 جىلى بىلگەن. ەندى سوت ايەلدىڭ ءوتىنىشى بويىنشا ازاماتتىق ءىس قوزعاپ وتىر.
"سوتتا ماڭعىستاۋ وبلىسى اقتاۋ قالالىق احات ءبولىمىنىڭ 2002 جىلعى 16 شىلدەدەگى №782 جازباسىنا سايكەس، ازاماتشا ۋ. مارقۇم سانالادى. سوت وتىرىسىندا ول ءولىم تۋرالى كۋالىگى بار ەكەنىن 2016 جىلى بىلگەنىن ايتتى. سودان كەيىن ايەل بۇزىلعان قۇقىن قالپىنا كەلتىرۋ ءۇشىن ءتۇرلى ينستانسيالارعا جۇگىنگەن، ءبىراق ناتيجە جوق"، - دەپ مالىمدەدى سوتتىڭ باسپا ءسوز قىزمەتى.
سوت ءىس ماتەريالدارىن قاراپ شىعىپ، ءوتىنىشتى قاناعاتتاندىرۋ تۋرالى شەشىم قابىلداپ، اقتاۋ پروكۋرورىنىڭ اتىنا 2002 جىلعى 16 شىلدەدە قايتىس بولعان ادامنىڭ تۇلعاسىن انىقتاۋ ءۇشىن جەكە قاۋلى شىعاردى.
