جاپونيا كولەمىندە اپتاپ ىستىقتان 23 ادام قازا تاۋىپ، 12،7 مىڭنان استام كىسى مەديسينالىق كومەككە مۇقتاج بولعان دەپ جازادى Qamshy.kz اقپارات اگەنتتىگى.
جوعارىدا كورسەتىلگەن ستاتيستيكا 5-11 تامىز ارالىعىنداعى كورسەتكىش. مەديسينالىق كومەك العان ادامداردىڭ جالپى سانى – 12 751 ادام. ەل استاناسىنان 1،46 مىڭ ادام، سايتاما قالاسىنان 977، وساكا قالاسىنان 897 ادام اۋرۋحاناعا جەتكىزىلىپتى.
مىڭداعان ادامنىڭ اۋرۋحانا توسەگىنە تاڭىلۋىنا باستى سەبەپ – ەلدەگى تەمپەراتۋرانىڭ 39 گرادۋسقا دەيىن كوتەرىلۋى.
ساراپشىلاردىڭ پىكىرىنە سۇيەنسەك، جاپونياداعى اپتاپ ىستىق ءالى ەكى اپتاعا سوزىلماق. ادامدار كۇندىز كوشەگە شىقپاۋعا جانە كوپ سۋ ىشۋگە تىرىسىپ باعۋدا.
پىكىر قالدىرۋ