ق ر ۇكىمەتىنىڭ قاۋلىسىمەن سەرگەي نيكولايەۆيچ گروموۆ ق ر ەكولوگيا، گەولوگيا جانە تابيعي رەسۋرستار ۆيسە-مينيسترى قىزمەتىنە تاعايىندالدى. بۇل تۋرالى ق ر پرەمەر-مينيسترىنىڭ باسپا ءسوز قىزمەتى حابارلايدى دەپ جازادى Qamshy.kz اقپارات اگەنتتىگى.

سەرگەي گروموۆ 1959 جىلى تالدىقورعان وبلىسىندا دۇنيەگە كەلگەن.

1981 جىلى جامبىل گيدرومەليوراسيا-قۇرىلىس ينستيتۋتىن گيدرومەليوراسيا ماماندىعى بويىنشا، 1991 جىلى الماتى ساياساتتانۋ جانە باسقارۋ ينستيتۋتىن الەۋمەتتىك-ساياسي قاتىناستار تەورياسى ماماندىعى بويىنشا، 2002 جىلى اۋليە اتا ۋنيۆەرسيتەتىن قۇقىقتانۋ ماماندىعى بويىنشا ءتامامداعان.

ەڭبەك جولىن 1981 جىلى جامبىل گيدرومەليوراسيا-قۇرىلىس ينستيتۋتىندا وقىتۋشى بولىپ باستاعان.

1998 جىلدان باستاپ مەملەكەتتىك قىزمەتتە جۇمىس ىستەيدى.

ءتۇرلى جىلدارى وڭتۇستىك قازاقستان وبلىسىندا اۋدان اكىمى، اكىمنىڭ ءبىرىنشى ورىنباسارى، پرەزيدەنت اكىمشىلىگىنىڭ مەملەكەتتىك ينسپەكتورى بولىپ جۇمىس ىستەدى.

2007 جىلدان 2011 جىل ارالىعىندا «نۇر وتان» حالىقتىق-دەموكراتيالىق پارتياسىنىڭ اپپارات باسشىسى، ءتوراعاسىنىڭ ورىنباسارى، حاتشىسى بولدى.

2011 جىلعى قىركۇيەكتەن 2013 جىل ارالىعىندا ق ر قورعانىس ءمينيسترىنىڭ ورىنباسارى لاۋازىمىن اتقاردى.

2013 جىلدىڭ تامىزىنان 2016 جىلدىڭ قاڭتارى ارالىعىندا - V شاقىرىلىمىنداعى ق ر پارلامەنتى سەناتىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى.

2016 جىلدىڭ قاڭتارىنان قازىرگە دەيىن — ق ر پارلامەنتى سەناتى ءتوراعاسىنىڭ ورىنباسارى.